Kurdîstanê de demo kî newe destpêkerdo. No dem demê xoverdayîş o. Bena tayî xo tepîya biancenê. Xora hina kenê. Bena tayî bitersenê. Xora ayê kî tersenê ayê zî xo tepîya ancenê. Tayî zî estî tena seyrkenê û fesadî kenî. Vanê “ma wextê xoverdayîş û Kurdîstanê azad nîyo.” Ayê hina tim û tim yew sebeb virazenê û xo tekoşîn ra dur genî. Qet ne renc kenî ne zî yew xebat kenî. La xeberdayîş de yew verênîye înan de çino. Fek xo akenî şew û roj leq leq kenî.
Zewbîna tayî zî estî bi raştî hem welatperwerî hem zî dildarî. La verênîya xo nêvînenê. Tim û tim vanê halê ma sebeno û halê masebeon? Perse hina kenî.
Ca ca perse hina mi rê zî kenî. Ez zî vana, “ dişmenê ma kamo? Dewleta Tirka. Rayedarên dewleta tirk R.T.Erdogan û Ehmed Dawidoglu înan vanê se? Vanê Kurdê kî wayîrê ziwan, kultur û tarîxe xo vejîyenê û xoverdayîş kenê ma pêronê înan kişenê û qirkenê. O wextî gereka ma sekeri? Gereka ma zî xoverdayîş bikeri. Zewbîna ti rayîr çina.”
Raştîya hina bajaranê Kurdîstanê zey bajarê Cizîre Botan, Farqîn û Nisêbîn de vejîya werti. Hele ma biewnê Farqîn beso. Dewleta Tirk tam 13 rojî pê tanq, panzer, top, helîkopter û sîlahanê gird şî ser Farqîn. La Farqîn hina xoverdayîşêk gird kerd kî, serkewtişêk gird ard. Dewleta Tirk, Farqîn de vîn kerd. Artêşa Tirk Farqîn ra paş paşkî rema. Şarê Farqîn zî şîyar eştenê vatenê, “Ey Qetîl! “
Vatenê, “PKK şara, şar zî tîya do!”
Tutanê Kurd zî pê kulmanê xo ver eskerê tirk vindertî bî.
Tutan ra hetanê pîlan pê xoverdayîşê Farqînî vejîya werti kî, wexto kî xoverdayîş bibo, dişmen se bikero wa bikero nêşkeno şarê kurdî.
Reçber Ezîzê Çewlîgijî zî hîris serrî verê cû ser zulme dewleta tirk û xoverdayîşê şarê kurd yew deyîra bi nameyê “PIRODE” nuşta û vata. Raştîya deyîre Rençber Ezîzî ewro zî derbas bena. Şarê Farqîn zî senî Rençberî vato eynî hina baw, bira, dadî, deza, kek, dedkeyna , heval pêro bîyê pîya pirodayîş kerd û serkewt.
Deyîra Rençber Ezîz hinaya.
“PIRODE
Ma romenî î wenî.
Ma xewtenî î gênî.
Inê lajê kutikan.
Ma rê se vanî.
Pirode birayê min pirode!
Pirode kekê min pirode!
Pirodenê birayê min pirodenê!
Prodenê kekê min pirodenê!
***
Cendirme polîs mepersenê
Siqiyonetîm ra metersenê
Tifinge xo bigerenê xo destê
Pirode keke min pirode!
Pirode apê min pirode!
Pirode dezayê min pirode!
Dadî tifinge biger pirode!
***
Tirk namussuzo bêbexto
Zoqî kerdo edeto
Tirkî vazdo ser mîlletan
Pirode dadîyê min pirode!
Pirode wayê min pirode!
Pirode dezayê min pirode!
Pirode dedkeynayê min ti zî pirode!
***
Kurdan Xarpêt girewto.
Dîyarbaqir paytext o.
Kurdan Xarpêt girewto.
Vanê Dîyarbaqir paytext o.
Vaj ulên dînîme hurrîyet o.
Pirode keke min pirode!
Pirode apê min pirode!
Lêxe bavê min lêxe!
Lêxe keke min lêxe!
***
Wirzê ey gelê kurdano!
Ewro roj rojê camêrdano
Wa camêrdî bivejîyenê meydano
Pirode keke min pirode!
Pirode dezayê min pirode!
Pirode birayê min pirode!
***
Ma dinya de bên destan o.
Hukumat ma Kurdîstan o.
Kirdê(Kurd) esîl zazano
Pirode keke min pirode!
Pirode apê min pirode!
Ez cêneno raşt vano!
Pirode keke min pirode!
Pirode apê min pirode!
Pirode dezayê min pirode!
Lêxe keke min lêxe!
Lêxe bismamê(pismam) min lêxe!
Vurun gardaşlar vurun!
Vurun yoldaşlar vurun!
Pirode keke min pirode!
Dadî tifinge biger pirode!”
Şarê Farqînî gore na deyîrî xoverdayîş kerd û serkewt. Kam heb bajarê Kurdîstanê zey Farqîn bikero ê serbikewro.
Seba nayî gera yew pers nêkero nêvajo, sebeno, halê ma sebeno?
Gereka herkes xoverdayîş bikero û vajo, Ya Serkewtiş Ya Serkewtiş!