Berdevkiya Komîsyona Yekîtiya Ewropa (YE), têkildarî xistina parlamenteriya Hevseroka Giştî ya HDP'ê Figen Yuksekdag û 5 meh cezayê li Hevserokê Giştî yê HDP'ê Selahattin Demirtaş hatiye birîn daxuyanî da. Komîsyonê anî ziman ku tedbîrên der barê 3 parlamenterên HDP'ê de û biryara Meclîsê ya destnedayîna parlamenteran fikarên wan zêde dike. YE'ê da zanîn ku ew li dijî binçavkirin û girtina parlamenterên HDP'ê bi bertek in û Tirkiye dest ji taahhutên navneteweyî berdaye. Komîsyonê da zanîn ku YE'ê bi dehan caran fikarên xwe yên der barê nêzikatiya Tirkiye ya serdestiya hiqûqê, hurmeta li hemberî mafên mirovan û pergala demokrasiya parlamenteriyê anîne ziman. YE, destnîşan kir ku wekî Konseya Ewropa dê ji nêz ve rewş û tevgera Tirkiye bişopînin.