Bi nizdîbîyayîşê referandûmî şarê Êlihî qisey kerdî û fikrê xo aşkere kerdî.
Salîh Solazo 45 serreyî qiseykerdişê xo de dîyar kerde ke ez do rijnayîş û veşnayîşê taxan ver referandûmî de vaja nê û wina va: “Eke sîstemê serekî bêro do Sedamî ra hîna xirabêr bibo. Ez qetlîam û hêrişan rê vana nê. Rewşa Cizîr û Sûrî nîna vîrîkerdiş.”Nîmet Yildize (32) destpêka qiseykerdişê xo de va ‘eke sindoqan ra ya bivejîyo do çîyê zaf xirab bibî’ û wina va: “Ez do seba ameyoxêka weş û kêfweşî vaja nê. Wexto ke weçînayîş beno, îqtîdar dest bi zûran keno.”Selîm Danişî (37) zî wina va: “Ma edalet, demokrasî, aştî û azadî wazenê. Sîstemê serekî de nêyî çin î. Eke sîstemê serekî bêro do zulm û qetlîam zêde bibî.”
Zûrî kenî
Cuma Tekînî (26) zî wina va: “Yew çekuyê îdarekaran daxî yewbînan nêtepişeno. Cok ra ez vana nê. Eke ma wayîrê sindoqan nêvejyî do raştî nêvejyî orte.”Emîne Tekîna 60 serreyî zî qala muhîmîya referandûmî kerde û wina va: “Se beno wa bibo ma do vajî nê.”Cinîyan ra tewr peynî Meyasa Yîgîte (60) qisey kerde û qiseykerdişê xo de wina va: “Seba ke qederê welatî teslîmê kesêkî nêbo, ez vana nê.”
ÊLIH