Yewîya Wendekaranê Kurdistanî (YXK) bi siloganê ‘Sere wedarne û wayîrê şorişî bivejîye’ bajarê Frankfurtî yê Almanya de kongreya xo virazena. Nizdîyê 200 wendekarê kurd û enternasyonalî beşdarê kongre bîyî. Salona ke kongre tede yena viraştiş de fotografê Rayberê Şarê Kurdî Abdullah Ocalan, şehîd Huseyîn Çelebî, Barîn Kobanê, Avesta Xabûre û Fîraz Dagî û pankarto ke ser o ‘Sere wedarne û wayîrê şorişî bivejye’ ameyî aliqnayîş. Konferans de prosesê Efrînî ser o ame vindetiş. Sîyasetmedaro kurd Mahsum Korkmazî qala îttîfaqê lêminî yê dewletan kerd û wina va: “Prosesê Efrînî de vera hêrişanê dewleta tirkî de têkoşîn ame dayîş. Seba ke Tirkîya dewletêk a, heme rêxistinî Tirkîya reyde piştîdayîşyewbînan awan kerdî. Helbuk na dewlete qanûnanê xo gêna binê lingan. Tîya de fotografê Rayberîya ma ameyî qedexekerdiş. No suc o. Ganî ma vera zext û îzolasyonê ke Rayberîya ma ser o benî de têkoşînê xo berz bikerî. Ganî no têkoşîn hetê ciwanan ra bêro dayîş.” Prosesê sîyasî ra dima sînevîzyon ame nawitiş û dima ra derheqê têkoşînê ke Ewropa de ameyî dayîş û Tevgerê 68î ser o semîner ame dayîş. Semînerî ra dima wendekaran seba ameyeyî proje û perspektîfê neweyî pêşnîyaz kerdî. ANF/FRANKFURT