Ez Zarok TV zaf hes kena
Serdest Aygun o 4 serrî ke bi kirmanckî (dimilkî) perwerde vîneno bi nê vatenan girotişê Zarok TV ra nêrazîbîyen damûsna: “Keyeyê ma de Zarok TV ame padayîş (girotiş). Ma nêwazenê Zarok TV bîro giroten. Domanî bê Zarok TV sekenê? Wa qenala ma desinde abîyo.”
Deylam Yuksekkaya, a ke 6 serrîya zî waşt ke wa Zarok TV tim û tim bibo û da zonayen ke bi girotişê Zarok TV bi ziwanî mayî de qiseykerdişî kenê mane. Deylama werdî bi hêrsîn va ke ‘Ma rê her tim vanê şima kurd nîyê, tirkî yê. Ez Zarok TV zaf hes kena, tim û tim temaşe kena û wazena ke bîro akerden.
Domanan ra Zerya Topdemîr zî bi vatenanê “Çima Zarok TV girotî. Ez wazena Şînokan (Kewelok) temaşe bikera. Zarok TV akerê” hêrsê xo damûsna. Zerya Îpek a 6 serrî zî heskerdişê xo yê ziwane waye vist vîrî û va, ‘Ma seba ke ziwanê xo bimuse wazenime ke Zarok TV abîyo.
‘Wazenime kurdî bimusime’
Şîlan Taş a 8 serrî zî zey domananê bîn rîwalê girotişê Zarok TV qehrîyaya. Şîlan dana zonayen ke a kurdî zaf hes kena û nayî ra her tim Zarok TV temaşe kena. Şîlan va ma nêwazenê tirkî bimûsyê, wazenime ziwanê xo kurdî bimusime.
Malima Zarokîstan Îrem Taç zî badê padîyayişê Zarok TV behsa psîkolojîya domanan kerd û da zonayen ke domanî persa “Çima Zarok TV ame giroten?” kenê. Taç aşkere kerd ke domanî rîwalê girotişê Zarok TV zaf qehrîyayê û aşkere kerd ke ê weşananê verîn yê zarok TV danê temaşekerdiş. Îrem Taç vist vîrî ke domanan deyranê xo yê sifte Zarok TV ra musîyay û va domanî peyser akerdişê Zarok TV pawenê. n
DÎHA/AMED