Zarokên ku li gel malbatên xwe ji axa xwe, warên xwe û mafên xwe dûr ketine ji bo debara xwe bikin û li ser ruyê cîhanê bijîn hemû kar û barê zor û zahmet didin ber çavên xwe û dixebitin. Li gorî "Rapora Zarokên Karker" a DÎSK-AR'ê li cîhanê ji her 5 zarokan zarokek li şûna zarokantiya xwe bijî û bi şahî û lîstikên xwe şa bibe, di nava karên giran de dixebite. Ev rewşa zarokan, pêşeroja cîhanê dide nîşan. DİSK- AR'ê di sala 2013'an de der barê karkerên zarok de rapor amade kir. Li gorî raporê li tevahiya cîhanê 306 mîlyon zarokên karker hene. Li gorî vê daneyê ji her 5 zarokan zarokek di nava kar û barên giran de dixebite. Li gorî rapora sala 1999'an ji sedî 41 derketiye ji sedî 56'an. Li Tirkiyeyê ev rêje derketiye ji sedî 64'an. Ji ber pergala 4+4+4'an gelek zarokan dest ji dibistanê berdan û dest bi karê nava zeviyan û karên giran kirin. Herî dawî li gundê Giron ê Şirnexê di Ocaxa Komirê de hezhez pêk hat û 3 karkeran jiyana xwe ji dest dan. Piştî vê bûyerê ku di Ocaxa Komirê de 2 zarok karê ocaxa komirê dikin.


'Em ji bo debarê dixebitin'
Ocaxên komirê ji bo welatî û karkerên ku ji neçarî dixebitin û ewlehiya wan tune, rê li pêşiya mirinên nû vedikin.
Herî dawî li nêzî Giron a girêdayî Şirnexê 5 roj berê di ocaxa komirê ya aîdî Yusuf Cengîzoglu de hezaz çêbû 3 karkerên bi navê Huseyin Dekçî, Suleyman Gökalp û Mahmut Îçkale jiyana xwe ji dest dan. Derket holê ku li vê Ocaxa Komirê 2 karok dixebitin. Zarokê 15 salî Firat Erener, zarokê 14 salî Murat Başçî, ji neçarî û ji bo debara malbata xwe bikin karê giran ê Ocaxa Komirê dikin. Firat Erener diyar kir ku ew ji neçarî di van ocaxan de dixebite û ji bo debara xwe bike karê giran û talukeyê dide ber çavan. Erener, da zanîn ku wî heta pola 8'an dibistan xwend û dest ji dibistanê berda û wiha got: "Ji bo debarê ez vî karê zahmet û talûke didim ber çavan. Kesên diçin dibistanê, êdî li şûna fêrî zanîn, çand û ilm bibin, li wir fêrî tiryak, fihûş û karên din dibin. Ez mehê 500 tl heqê xwe li vir distînim. Ez her roj saet di 6.00'an de dest bi kar dikim û karê giran dikin.
Zaroke bi navê Murat Başçi jî anî ziman ku ew ji bo sîgorta bavê xwe çêke dixebite û wiha got: "Ez jî her sibe saet di 06.00'an de dest bi kar dike û mehê 300 TL pere distîne. Başçi, da zanîn ku karekê zahmet e, lê neçar e bike. 

DÎHA/ ŞIRNEX