Çêna Kocgirî, veyvika Kurdistan’î. Se serre verî Kurdistan de jû veyvike mêrdê xo ra vato heval, dawa Kurdistan’î ser a, her ca hevalê xo ra pîya feteliya nusnayiş û wendîş zanito, siya kotî ama, her ca de cinyan de seba azadiya Kurdistan’î xebetîya. Xebatanê camêrda de ca girewto, fikirê xo ardo bi ziwan.
Ma hetanî nê serranê peyênan, seba xoverdayîşê cenîyan ser o ke qeseyî kerdenê, zaferî cenîyê ecnebîyî numune dênê. Cenîyanê şarê xo ser 40 serrîyo ke qeseyî kenîme. Encex newe newe cenîyanê Kurdistan’î ser o qeseyî kenîme û nameyê neweyan heşnenîme, newe newe heqîqetan anime xo vîrî û ser o fikirînîme.
Zerîfe Xanime ciwanikade delale, cenîyade hewle biya. Ma domantiya xo de heşnenê, kokimanê ma, vaxto ke verd ra, cenîyanê verênan ser o ke qeseyî kerdenê, vatenê sey camêrdan biye, ters nêzanitêne, çêneka aşîra biye. Zaferi egîdîya cenîyan ser camerda tarif kerdêne. Cenîyan, nê serrane peyênan de newe hetê heqa xo ser o ca girewt, bê nameyê camerdîye, xo da naskerdenê.. Kar û xebato kedê xo ser o xo nîşan da. Egîdîya xo cenîtîya xo sera nuşna, heqa cenîtîya xo merdimahîya xo da xoverdayis de.
Cenîyê Kurdistan’î biye omidê cenîyanê cîhanî. Kesî înan nêkerd ke, zor û zordestiye dewlete hete ra, çêyan de xebatê teverî de zerêde zilmê camerdan, hetê ra, cenîyane Kurdistan’î orte nê adirî ra vecî û bêrê ma ra vajê ma serbestiye wazenîme, ma heqa xo wazenîme.
Zerife azadîya Kurdistanî waştêne, emrê xo na dava ser a berd , aye waştêne ke hardê ma, koyanê ma, waranê ma, awa ma, dar berê ma azad bo. Ewro tornê aye xeyalanê aye anê ca… Aye waxtî zeman de vat bî: mabêne rastîya her yew a ma de firkê esta ke, beno. Wina aseno ke her yewa ma raya xo de şonê, waştena ma oyo ke, rayê ma yê kulina selametê Dêrsimî sera bêrê têlewe…
A cax nebi, hema no cax de kurdê çar parçeyan de ameyê têlewe, cenîyê çar parçeyî ameyê têlewe bîyê rayberê xoverdayîşê Kurdistan’î. Bi nameyê Berîtan, Zîlan, Arîn, Vîyan, Sakîne, Fîdan, Leyla, Sêvê, Fatma, Pakîze, Berjîn û Ferîde. Her jû biyê cenîye Kurdistan’î. Her yewa xo mîjdanîya azadîye ya. Maya ma, cana ma Zerife. Tornanê to, ciwanikanê Kurdistan’î, wêseta to arda ca. Wa roye to û roye pêro hevalanê şehîdan şad bo.