Semîner ji aliyê Tevgera Jinên Ciwan ên Şoreşger li Akademiya Şehîd Canfîda ya li taxa Kelesê hate lidarxistin. Semînera ku bi dehan jinên ciwan tevlî bûn, bi rêzgirtinê destpê kir. Di semînerê de Endama Desteya Rêveber a Yekîtiya Star Şêrîn Oso li ser bandora zewicandina jinan a di temenê biçûk de axivî. Şêrîn Oso, destnîşan kir ku ziwicandina di temenê biçûk de yek ji pirsgirêkên civakê ye û got, ev yek bandora neynî li jiyana jinên ciwan dike.

Şêrîn, got gelek caran zewicandina di temenê biçûk de dibe sedema tundiya li dijî jinan û berdanê, sedema vê yekê nezanîna malbatane û bang li malbatan kir ku li dijî zewicandina di temenê biçûk de derkevin. Di semînerê de endama Navenda Zanist û Perwerdeya Jinan a Hesekê Newroz Ebdulah jî li ser xebatên navendê yên li dijî zewicandina di temnê biçûk de axivî. Ebdulah, da zanîn ku her dem ew di nava hewldanan dene ku hemû pirsgirêkên jinan çareser bikin û jinan perwerde bikin. Ebdulah, bal kişand ku hemû jinên di temenê biçûk de hatine zewicandin rastî îşkenceyê hatine û got divê hemû jin li dijî zewicandina di temenê biçûk de derkevin. Semîner bi nêrîn û nirxandina beşdaran bidawî bû.

 HESEKÊ