Platformê Heq û Edaletî taxe bi taxe û ziqaq bi ziqaq gêreno û seba çi do referandûm de reya nê bêro xebetnayîş, şarî rê vano. Aktîvîsta Platformê Heq û Edaletî Julîde Tunakane derheqê referandûmî de qisey kerde û fikrê xo aşkere kerde.
Tunakane va ‘her çiqas ke hewcedarîye qanûno bingeyîyo ke kultur, bawerî û nasnameyanê cîyayan mîyanê xo de bihewêno esto zî, referandûm de bedilnayîşê ke qanûno bingeyî de yenî kerdiş, tena qewetinan hîna zaf qewetin keno. ’ Tunakane hayr ant Peymana Medîne ser û va: “Sere de Peymana Medîne û referansê dînî yê bînan de zî kultirê ortaxî esto, cok ra mumkin nîyo ke merdim zîhnîyetê tewperestî qebul bikero. Nê îqtîdarî seba hêrsê xo yê heme çîyan sey haletî xebetneno. Ti kes nêşêno yê ke beşdarê fikrê ci nêbo sucdar bikero.”
No wezîfeyêk o
Tunakane dewamê qiseykerdişê xo de va Serekkomar ewro vejîyeno yê ke vanî nê, terorîst îlan keno û wina dewam kerd: “Pêxemberî wextê xo de şurayêk awan kerdbî û wexto ke qerar girewtêne, şuraye ra pers kerdêne. Cok ra ganî ma zî ewro vajî nê û vatişê nê seba ma wezîfeyêk o. Ma 28ê Sibate de hedefê zulmî de bî û ewro zî ma nêwazenî bibî zalim. Mîyanê ma de parçebîyayîş virazîya. Ma seba ke bişînbî bi hawayo biratî bicuyî, lazim o ma vajî nê.”
ZEYNEP KURAY / ANF / STENBOL