Di bîranînê de axaftin hatin kirin û sînevîzyon hat temaşekirin.  Pêr saet 20.00’an bi deqîqeyek rêzgirtina cangoriyên Kurdistan ku bîranîn destpê kir. Endama Meclîsa Îştar Çinar Mêrdîn der barê jiyan û têkoşîna Zeynep Kinaci (Zîlan)  de axivî. Di kêliyên ku bîranîn dihat lidarxistin de agahiyên êrîşa polîsên Tirk a li hemberî gelê Amedê mohra xwe li şevê xist. Gel bi dirûşmayan dilsoziya xwe ya bi gelê Amedê re anî ziman.  Piştî axaftina Endama Meclîsa Îştar Çinar Mêrdîn, sînevîzyona ku der barê jiyan û têkoşîna gerîlaya PKK’ê Zîlan de hatibû amadekirin hat temaşekirin.  Merasîm bi dirûşmayan bi dawî bû.


Li Moskowayê çalakiyên cuda
Ji aliyê din ve  Zeynep Kinaci (Zîlan) li Federasyona Rûsyayê bi çalakiyên cuda hat bîranîn. Kinaci li Mala Kurdan ji aliyê gelek Kurdistaniyan ve hat bîranîn. Di çalakiya şevê din saet di 19:00’an de nameya Zeynep Kinaci ya ku berî çalakiyê ji gelê Kurd, hevalên xwe yê tekoşînê û Rêberê Gelê Kurd Abdullah Ocalan re nivîsandibû, ji hêla Amena Aliyeva hat xwendin. Piştî xwendina nameyê nûnerê rêxistina Kurd li ser wateya rojê û pêşveçûnên li Kurdistanê diqewimin axaftin kir. Seroka Organîzasyona Viyan a Jinên Kurd li Moskowayê Tera Qadir jî axivî Çalaki bi stranên Berfîn Mamedova û Hogir Lazgiyeva ve bi dawî bû.

MEXMÛR/MOSKOWA