Zîlana (Zeynep Kinaci) ke 30ê Hezîrana 1996î de Dêrsim de vera yewîya leşkeranê dewleta tirkî de çalakîyêka fedaî viraştbî, her serre xeylê cayan de yena yad kerdene. Emser herêma Elegezî ya Armenîstanî de û Şengal de ameye yad kerdene.
Kombîyayîşê yadkerdişî dewa Rîyateze de ame viraştene û Medya Garzane kombîyayîş de qiseykerdişêk kerde. Garzane dîyar kerde ke Zîlane seba Tevgerê Azadîya Kurdî û bi taybetî zî seba têkoşînê cinîyan sey manîfesto ya.
Garzane dewamê qiseykerdişê xo de wina va: “Serkewtişê Tevgerê Azadîya Cinîyan ewro Kurdistan û heme dinya de seba heme cinîyan bîyo şewq. Zîlane xeta cuya azade ya û na xete vera koletî û bêhêvîtîye de têkoşîn daya. Cok ra na xete seba heme têkoşînê azadîye yê dinya nimune ya.”
Şengal de zî yadkerdiş virazîya
Heto bîn ra qezaya Sinûnê ya Şengalî de zî çalakîya yadkerdişî ameye viraştiş. Yadkerdiş bi rêzgirewtiş dest pêkerd. Yadkerdiş de posterê Rayberê Şarê Kurdî Abdullah Ocalan û Şehîd Zîlane ameyî aliqnayîş. Dima ra sînevîzyonêk ame nawitiş. Ser nameyê TAJÊ Bahar Şengalîye qisey kerde û qala şexsîyetê Zîlane kerde. Yadkerdiş bi slogananê ‘Şehîd nêmirenî’, ‘Bicuye Rayber Apo’ qedîya.
MERKEZÊ XEBERAN