Girotxaneyê Tekîrdag yê tîpê F de zî serva pêdiyayinê hefteyî yê bi telefon şertê tekmîl ame ronayen.
Goreyê zonayişê ke birayê tepişteyê Abdulkadîr Bozkur, Serdal Bozkurtî xebera ajansê Firatî rê da, îdareyê girotxane tekmîlê name, peyname û hucre wazeno. Kesê ke nê şertan qebûl nêkenê, heqê ci yê pêdiyayinê telefon birniyenê. Bozkurtî vistvîrî ke, vizêr wextê pêdiyayina bi birayê xo de vengê qîrayişan ame û telefon birniya. Serdal Bozkurtî ard ziwan ke Tirkiyeya newî yê AKP de hetê derbeya 12ê Îlon peyser şiyayiş esto.
Girotxaneyê Wan de tepişteyanê cenî rê zext
Jû xebera binlingkerdinê heqan zî, girotxaneyê Wan ra ame. Girotxane bi binlinkerdinê heqan xeylê wextê do derg o rojdem de yo. Qontrolê viran, qedexeyê kitavan, qedexeyê aktivîteyê spor nînan ra tenya çendê ci yê. Nika zî zextê îdare û eskeran rojdem de yê.Eskerî bi behaneyê kêfî erzenê koxuşanê ceniyan ser. Heta bîn ra, mudirê girotxane Özkan Dinçerî zî heqaretê jû tepiştî kerd, pey coy zî ay tacîz kerd.
Polîtîkayê sirgunkerdin
Veriya 5 aşmî zîndanê Şirnex ra semedê tedaviyê 22 tepişteyî şirawiyaybî zîndanê Wanî. Înan ra Îzzet Sevîlgen, Selahattîn Kiliç, Hîkmet Kara, Enîn Sosin, Ramazan Ozyigit, Ridvan Teniş û Mehmet Tosun tedavî nêbî û surgun bî.Tepişteyî rinda qontrol nêbî raporê” zîndan de eşkene vinder” diyay ci û zîndanê Erzîrom rê surgun bî.
Çalî: Tepişteyê siyasî terkê merdiş benê
Komelê Hûqûqcijan ê Mezopotamya ra avûkat Naîm Çali eleqê ûnt surgunan keyfî ser û ûna vat: Qerarê surgunî rê qe yo heto hûqûqin çîniyo. Tepişteyî semedê tedawiya Şirnex ra ameyî îta, la îta herinde tedavîde raştê tacîz û tehditan ameyî. Pê surguna tepişteyana piya, keyeyê tepişteyanî zî ceza kenê. Tepişteyî siyasî pê zûnayişa merge rê terk benî’.
Girotxaneyê Batman’î de DAİŞ û Hizbullah
Zîndanê Batmanî de zî tepişteyanê siyasî ser zaf zext rameno. Tepişteyan mektûp şirawit û bi nê vatişan paşt waşt: Kam ûnbazê ma ke geriyen binçim û dima şirawiyene îta, niyû yo cayê ey şikto niyu zî raştê tacîzî amo. Ûnbazê ma drabijin yenî zîndan û îta de zî tedavî nêbenî. Hetan inkê 67 ûnbazê ma surgun bî. Zindanê Batman de cayê ki siyasî tepiştê, tira surgen benî, herinde înan rê çeteyê DAIŞ û Hizbulah anî.
NAVENDÊ XEBERAN