Hepsîyê Zîndanê Tîpa Lyî yê Dîlokî bi rayîrê keyeyanê xo zanayîş dayî teber û qala hêrişê ke benî, kerdî.
Goreyê zanayîşê ke ameyî, gardîyanî bi hawayo keyfî erzenê koguşan ser de û heme hepsîyan hewn ra werznenî, dima ra hepsîyan ser de vindetişê nîzamo leşkerî ferz kenî. Wexto ke hepsî şonê nêweşxane yan zî mehkeme kewenê rêz û kelepçe dîyeno destanê hepsîyan ro. Reyna gardîyanî wextê eştişê koguşan de dest ronayî defterê hepsîyêkî ser de û seba ke hepsî her roja xo defter de nuşto bi 11 rojî cezaya hucreyî ame cezakerdiş.
Heto bîn ra koguşê 7 kesan de 17 kesî manenê. Ame zanyîş ke 18 kesê ke verê leşker bî, hepsixaneyî de ameyî wezîfedarkerdiş û nê kesî bi hawayo hovane hêrişê hepsîyan kenî. Zîndan açarnîyayo zey qereqolî. Xeylê hepsîyî koguşan ra bi zorî yenê vetiş û gardîyanî înan benê îfadegirewtişî. Zîndan û hepsîyî 24 saetî yenê taqîpkerdiş. Hepsîyo nêweş yê bi nameyê Îsmet Tuzuno ke laşê ci de parçeyê şarapnelî estî, nîno tedawîkerdiş. n DÎHABER/DÎLOK