Grevê vêşanîye ke Hemserekê Kongreya Komelê Demokratîke û Parlamentere Leyla Guvene 8ê teşrîna peyêne de dabî destpêkerdene, roja 23. de dewam kena. Çend rojî verê Hemserekê Pêroyî yê HDPyî Sezaî Temellîyî kombîyayîşê partîya xo de dîyar kerdbi ke do heme zîndanan de grevî dest pêbikerî. Xora Denîz Kayayî zî ser nameyê zîndanan îzehetêko winasî dabi.
Ame musayene ke Zîndanê Tîpa E yê Meletî de hepsîyan vizêr dest bi grevê vêşanîye kerdo. Hepsîyan bi waştişê ‘wa tecrîd bêro wedaritene û hepsîyê nêweşî serbest bêrî veradayene’ seba 10 rojan dest bi grevê vêşanîye kerdo. Rêxistina bajarê Meletî îzehetêk dayo û malumatê destpêkerdişê grevê vêşanîye dayo raya pêroyî. Îzehet de ameyo vatene ke hepsîyan çalakîya Leyla Guvene zî silam kerdo.
JINNEWS / MELETÎ