Bi nameyê Suleyman Kayayî de keso ke entîkroşîye keno, bi hawayo bêveng gêreno û nê karî ziqaqanê Riha de keno. Kaya 15 serrî yo ke nê karî keno û vera magazayanê luksan de bi hawayêko tebîî entîkroşîye keno.
Destê Kayayî de entîkayê ke tarîxê înan heta hezar serrî verê şono zî estî û Kaya dîyar keno ke bi no hawa hîna zaf şar eleqe nîşanê karê ci dano. Kaya dano zaneyene ke no kar zehmetin o labelê zaf weş o û wina domneno: “Tewr zaf entîkeyî taxanê kehenan yê Riha de vejîyenî. Sûka Sifirkaran de entîkeyî yenî herînayene û rotene, labelê ti kes sey mi wesayît ser o nêroşeno. Xora eke ez çend perçe biroşa, mi rê aşmêk bes o.”
Kaya vano ‘seba ke bi serran o ke ez nê karî kena, êdî ez zana ke kamcîn eser, aydê kamcîn milletî yo’ û wina dewam keno: “Heta nika xeylê eserê ke hetê westayanê armenî û suryanîyan ra ameyî viraştene, kewtê destê mi. Ez karê xo ra zaf hes kena. Qezençkerdişê nanî zehmet o. Seba ke merdimî qet qîmet nêdanî entîkeyan, zaf tay pere danî. Wexto ke ez vayêk vana, înan rê zaf yeno. Labelê erjê heme çîyî esto.”
MA / RIHA