CEMÎL UGUR / MA/WAN
Seba Kurdan muhîmîya 21’ê Sibate zaf muhîm a, çimkî vera polîtîkayê asîmîlasyonî têkoşîn danî. Kaykera Tîyatroyê Mencelî Dîlvîn Abî muhîmîya Roja Ziwanê Dayîke ser o qise kerd û vat ke ziwan, tarîx û huner seba şarêkî stûn ê.
Dîlvîn Abî wina vat: “Sehne ser tewro weş persgirikan ez anena ziwan, seba Kurdan tewro weş cayê cuyayişê hîsan, tîyatroyê Kurdî yo. Ma wazenê heme Kurdan ra biresê. Ray ray seba ke ca çîn o, ma salonê veyveyî de tîyatroyê xo virazenê. Lomeyê pozîtîf ma hîna bi motîve kenî. Ez heme Kurdî ra veng dana, ma ganî ziwanê xo ra wayîr bivejê. Her ca de ma bi ziwanê xo qise bikê. Tîyatro, konser, panel û deyrî ke Kurdî yenî kerdiş ra ganî bi qiymet bidê. Seba averberdişê ziwanê Kurdî destê min ra çi bêro do ez bika.”