Hemşaredara Şaredarîya Licê Rezan Zugurlîya ke 2012 de dekewtbî zîndan, 13 aşman ra dima tehlîye bîybî. Labelê dima ra 4 serrî û 2 aşmî ceza dîyaybî, Zugurlîye û cezaya ameybî tesdîqkerdiş. Badê ke ceza tesdîq bîye, Zugurlî 17ê tebaxe de Amed de ameybî tepiştiş û dima ra tewqîf bîybî.
Zugurlî çend rojî verê Zîndanê Tîpa E yê Amedî ra surgunê Zîndanê Tîpa Tyî yê Wanî bîybî. Nika vejîya orte ke domanê Zugurlîye yo 1 serreyî zî bi wesayîtê rîngî şîyo surgun. Babete ser o mêrdeyê Zugurlîye Ugur Ataşî qisey kerd.
Ataşî va ‘Rezane bê xebera ma ameye surgunkerdiş’ û wina dewam kerd: “Domanê ma yê bi nameyê Alîşer Robîno 1 serreyî zî ame surgunkerdiş. Domanê ma nêweş o û ganî bi hawayo sîstematîk şêro nêweşxane. Qesebayanê ci de problemî estî û hilmê ci teng beno. Herçiqas ke nêyî yenî zanayîş, reyna zî ci wesayîtê rîngî wenayî û berdî Wan. Heta nika ez her hewte şîyêne pêvînayîşî, nika ra pey ez do aşmêk de reyêk şêra.”
ANF/AMED