Endamê Konseyê Serekîya Pêroyîye yê KCKyî Dîyar Xerîbo ke 5ê Temmuze de, hêrişê dewleta Tirkî de şehîd bi, paytexê Almanya Berlîn de ame vîrardene. Paytexê Almanya Berlîn de seba vîrarişê Xerîbî (Helmet) vîrardişêk ame organîzekerdene.

Vîrardişo ke bi rêzgirewtîşî dest pêkerd de Zeyneb Celalî qiseykerdişêko kilm kerd, dima ra zî aktîvîsto Kurd Edîp Xaneqînî qisey kerd. Xaneqînî qala têkoşînê Xerîbî kerde û wina va: “Hemra Helmet emrê xo da têkoşînî û heme ca yê ke tede mend rêçê xo ûca de verda. Bitaybetî zî şarê Başûrê Kurdistanî ser o zaf tesîr kerd.” Qiseykerdişê komîsyonê keyeyanê şehîdan ra dima vîrardiş bi silogananê ‘Şehîdî nêmirenî’ qedîya.

 BERLÎN