Vizêr ne perê zî serokkomarîyê Tirk yew dazanayîş da va, “R.T.Erdogan çîyêk hina nêvato”. La zerrê dazanayîş de reyna amebi vatiş ke name Kobanê, “Eynil Ereb o”.
Pê nê qiseykerdişan reyna vejîya werti ke, dewleta Tirk û reyadarên Tirk hetê zihnî de qet û qet fek nîjadperêsti ra veranêdanê. Pêronê bajar, qeza, dew, deşt û koyanê Kurdistanê zê yê Tirkan vînenê.
Cayên ke nika bin dagirkerîyên înan de nîyê, nayê cayan ra zî vanî yê Ereb û Persanê(Faris).
Xo ra dewleta Tirk se ser zêdeyîra name bajar, qeza, dew, deşt û koyan, cayê Kurdan înkar kenî, name Tirkî nayê pa.
Xo ra dewleta Tirk, name Kurd û Kurdistanê qebûl nêkena. Kurd ra vana “Tirk”. Ziwanê Kurdî ra vana, “ziwanê kar û kurt”. Bakurê Kurdistanê vana, “Guneydogu”. Amed ra vana, “Diyarbakir”. Dêrsîm ra vana “Tuncelî”, Çewlîg ra vana “Bîngol”, Semsûr ra vana “Adiyaman”. Başûrê Kurdistanê ra vana, Kuzey Iraq. Rojavayê Kurdistanê ra vana, “Kuzey Suriye”
Wexto ke hîşê dewleta Tirk hina bi, dişmenê Kurd û Kurdistanê bi ê Kobanê ra zî vajo “Eynil Ereb”. Wexto ke nêvajo “Eynil Ereb”, gera yew şaş û maş bibo.
Dewleta Tirk seyî Amed ra nêvana bajarê Amedê bajarek Erebo! Ez şaş û maş manena. Ez zerrê Amed de bîya pîl. Amed de tayî cayê estî, wexto ke Erebê nîjadperêst û dagirker û îstîlaker Amed dagirkenî û qirkerdiş virazenê, zafe name cayan bedilnenê û kenî Erebî.
Bena herkes nêzanano. Wexto ke Erebên îstîlaker Amed dagirkenî û kewnê Amed tayî name cayê Amed bedilnenê. Name aw û yeniyê(Henê-Kanî) Hamrawat kenî “Eynzelê”. Şaîr gird û yê namdar Ehmed Arîf vano ya “Awa Hamravat hina hina amenê”. Erebên qirker eynî na name aw û yeniyê Amed bedilno kerdo “Eynzelê”. Erebên qirker nameyê qeza Amed Henê zî bedilnenê. Nameyê Henê û awa Henê kenî “Eynkebir”.
Eynî Erebên îstîlaker wextê Xalit bîn Welît înan de hetê Kobanê dagirkenî. Rojhilatê Kobanê de nameyê Kaniya Kurdan bedilnenê û kenî “Eynil Ereb”.
Nika nîjadperêstê Ereb û Tirk vanê “Eynil Ereb û Eynil Ereb” ya. Tarîx û meselayê name sey mi vato hinaw o.
Ser na îstîlakerî û qirkerîya Erebên îstîlaker, îstîlaker û qirkerek bîn dewleta Tirk û R.T.Erdogan wirzeno vano, “name Kobanê Eynil Ereb o û yê Erebano”.
Gorê hîşê Erdogan paytextê Kurdistanê Amed û qezayê Amed Henê zî gera bajarê Ereb bo.
Seyî Erebên îstîlaker name Kaniya Kurdan bedilno û kerdo “Eynil Ereb”, eynî Erebên îstîlaker name Awa Hamrawat yê Amedê kerdo “Eynzelê”, name qezayê Henê bedilno kerdo “Eynkebir”. Gorê hîşê R.T.Erdoganê ver name “Eynezelê û Eynkebir” gera Amed û Henê zî bibenê bajarên Ereb. Name nayê bajaran bibenê “Eynezelê û Eynkebir”. Pê qiseykerdişê R.T.Erdogan reyna zelal bi ke, dewleta Tirk û sermîyanê na dewlet fek dişmenê ye Kurdan ra veranêdanê. Kam hew parçe Kurdistanê beno wa bibo, dişmenê înanê. Xo ra belge newe zî vejîye werti ke, çeteyên DAÎŞê T.C û T.C cîya cîya nîye.
Dîmenê ke hetê DÎHA ra ameyê antiş pêronê çîya zelal kerd. Eskerê Tirk û çeteyên DAÎŞê T.C seyî hetê Pirsûs û Kobanê de pîya hereket kenî, hêrîşê Kobanê kenî, herkes dî.
Tîya ra kam ke vajo çeteyên DAÎŞê T.C û T.C cîya cîya yê, wa herkes bizano ke, ayê hina hetkarîya çeteyên DAÎŞê T.C kenî.