Festîvalê Fîlmanê Cenîyan Uçan Supurgeye ke emsar 23'inan rey virazêna do serê online ra bivirazîyo. Meseleya esase ya festîvalî ya emserrî "Xweza" bî la bedelna kerdê "Keye de bimane". Festîvalê emsarî do miyanê rojanê 7-14'ê gulane de viraziyo û serê keyepelê Weqfê Uçan Supurge û hesabanê înan ê torra komelî ra biresiyo temaşekerdoxan. Weqfe serê festîvalî de aşkerayî ke kerde wina vat ke înan plan kerd bî mesela serê "Xweza" de bo la semedê vîrusê enka bîyo vila ma bedelna û kerd "Keye de bimane". Ê biwazê beşdarî festîvalê bibê eşkenê vîdeoyanê xo serê adresî ra înan rê bişrawê: online.ucansupurge.festivali@gmail.com. AMED