"Ma verba şerî aştîye pawenî"

Îzahatê EGÎTÎM-SEN de vilakerdişê mamostayan goreya bajarî winaye: Amed 4 henzar 313, Semsûr 416, Elîh 700, Cewlîg 95, Dîlok 407, Merdîn 700, Muş 155, Wan 733, Dersîm 501. Nê bajaran de tena Dersîm de 419 mamosteyî wazîfe xo ra îade bî. Labelê 85 teneyî mamostayan zî hama wazîfe ra gîrewteyî. Gore vateya wezaretê perwerdeyî Tirkîya nê mamostayan suc kerdî, verba dewleta vindertî û PKK ra ardim kenî. Nê mamostayan bi qerarê EGÎTÎM-SEN 20 Kanûn 2015 de pêro pîya kewtibî grev, nêşîbi mektabanê xo û wazîfeya xo ey rojî caverdibî. Cunke wexto ey aşman de dewlet bajaran de kewtibî şêr û mîyane bajaran de qirkerdiş kerdenî. Mektebanê ey bajaran de qefelnayebî û perwerde vindertibî. Semedê bala antişê na rewşê zî KESK qerara calakî ye grev girewte bî. Xeylek endamanê KESKî zî na qerar ser o kewtibî grev. Hemê bajaran de beşdarîye est bî. 

Bade wezîfe ra girewtiş her cayan de zaf bêj calakî ame viraştiş. Her bajar de endamanê EGÎTÏM-SENî hem îzahat daye capemenîye hem zî calakîye roniştîş kerd. Labelê nê calakîyan de xeylek mamostayan hetê dewlet ra girewtî nezaret. Tena bajarê Amed de 12 mamosta/ê tewqîf kerdene. Labelê têkoşînê mamostayan roj bi roj dewam kenî û mamostayan na mesaj danê: "Ma semedê aştîye vengê xo kerd berz, la dewlet aştî nêwazena, qayila ke venge her kesî bibirnê û şer bike. Ma heta peynî hem semedê venge aştîye hem zî semedê wazîfeyanê xo têkoşîn caneverdenî.