Hunermendê kurd Serhat Çîçek derheqê no xebatê xode da zonayene ke o wazeno bi no klîbî kanşopîya kurdan ra yew bikirişo rojê ewroyîn.  Qaqindos, kewneşopîya kurdan de merasîmek an zî firazkerdişê domanan ya ke serreneweyî yeno namekerdişî yo. 

Çîçekî hayr ant wextanê verî û wina va: “Qaqindos serrê 90’î de şewê serreneweyî de şayîyan ra bi pêroyî vatiş o. Mîyanê doman û extîyaran de dîyalogî ra behs keno. Ma waşt kanşopîya ke vînî bîya, ma bivejî hewna werte. Çi heyf ke hunermedê hunerî û kesî ke muzîkê kurdî kenî verê xo açarnayî rojhelatî. Soz, muzîk û senaryoya klîbî heme min ra aîd î û min bi no klîbî waşt hîsgerîya ke komelkî awan bikero. Domanîya ma her tim zey nê şayîyan reyde vîyart. Na kanşopî rojê ma ameyoxî ra kiriştiş, wezîfeyê ma û deynê hunermendê kurdî yo.”


Rêz de xebatê newe estî

Serhat Çîçekî klîbê xo yê verên ‘Ez u Te Man’ de hayr antbe ‘binê çiman de vînîkerdişan’ ser. Çîçek eynî demî de lajê hunermendê Licêyij Tahsîn Çîçekî (Binê çiman de amebî vînîkerdiş) yo. 30 serreyê xo de Çîçekî dest pê muzîk kerd. Çîçek bi nameyê ‘Hêz’ de albumêko newe vet, goreya Çîçekî nameyê albumî ci têkoşîn û xoverodayişê malbatê ci ra yeno û demê viraştişê albumî îlham têkoşînê malbatê xo ra girewto. 

Çîçek demo vîyarte de bi nameyê ‘Hêz’ albumêko bîn zî vetbî û zereyê albumê Hêz de 10 deyîrê est bîyî. Taybetê no album de ver deyîrê Kobanê vejîyeno. Çîçekî hayr ant albumê xo ser û wina vatbî: “Kobanê de bi destê çeteyê DAIŞ sûcê merdimî amebî şuxulnayişî, şarê kurdî hetê heme dewletê kapîtalistan tena ame veradayiş û ma eşkenê bi aşkera vajê ke şarê kurdî, destê çeteyê DAIŞ ra mehkûmê mergî ra veradayî." 


Qisey û muzîk aîdê min ê 

Çîçekî qalê deyra xo ya Colemêrgî zî kerd û wina vat: “Ma seba xo tepa antişê PKK deyra Colemêrgî nuşt. Seba hîsê eşq û heskerdişî zî deyrê ma, no albumî de est ê. Mi seba maya xo deyra Ez û Te Man nuşta û na deyr zî album de ca gêna. Ma klîba deyra Ez û Te Man zî antî, na deyr de ez behsê maya xo, hesreta xo û tenayê xo kena. Xebata albumî weş vîyart û albumî eleqeyekê gird vîna.”  

Çîçekî ciresna bi ke album de 10 deyran ra 5’î aîdê ci yê, qisey û muzikê nê 5 deyrî zî ey viraştê. Çîçekî ciresna ke heme dîzayna albumî hete Zîz Muzîk ke Amedî de yo ra ameyê viraştiş û wina va:"No album heme barbîyîşê hîsê min ê, çimkî min qeçekîya (domanî) xo ra nat her tim qehr û zehmetî ant û taybetê maya xo ra zaf hesret menda.”


Teqyayişê hîsan

Çîçek îzeh kerd ke no album teqyayişê hîsê ci yê, çimkî birayê ci, pîyê ci, datê ci û sewbî merdimanê ci hetê dewleta tirkî ameyî qetilkerdiş û no album zî berê têkoşînê şehîdan o, çimkî merdim demo ke hîsgêr bibo se no demî ya destpa nuştişê deyre keno ya zî berardişê muzîkî keno. Merdim wazeno bi teqno ya zî parçe bikero. Çiçekî va la êy hetanê nika qet nêwaşto biteqno ya zî parçe bikerî. Ey her tim waşto xebata aştî û xelqkerdişî bikero. Serhat Çîçek aşkere kerd ke no albumî de rolê Dayikê Şemî zî est o. Demê ameyişî de çi xebat bikero se do heme nê xebatê xo seba Dayikê Şemîyî û faîlê meçhulan bikerî.


Cenîyê bi rike bîyî

Wexto ke domanan keyeyan gêraynê zî, ma dirûşmeya “Qaqindos para min meşru lu goz” vatênê. Aye çax bastêx, şeker, sucix, kesme, vamî, gozî û sewbîna çî rê ameynê dayîş. Zaf reynî cenîyê ke bi rike bî vecîyaynê şibakan ra awe domanan sero kerdênê, domanan ra cirgîyaynê. Domanan zî hemverê înan her tim bi vatişê ‘sere malê binê malê pîr qurbana kalê’ tay hemleyan kerdênê. Hunermendê kurd Serhat Çîçek zî kanşopîya kurdan Qaqindos ser deyrek viraşt û na deyr zî bi singilî kerd albumêk. No xebat bi grûbekê domanan (qede)   meydanê dewî de ame antiş.”



LÊL AMED/AMED