Eşkerakerdişê PAJK de Şehîdê 18ê Gulane, Hakî Karer, Halil Çavgun, Ferhat Kurtay, Eşref Anyik, Mehmet Zengîn û Necmî Oner yad bî. PAJK hayr ant şehadetê şoreşgeran û cewabdayişê ci ser û wina va: “Şehadetê Hakî Karer, 1978 pê partîbiyayişî û şehadetê Halîl Çavgun’î zî pê tekoşînê Hêlwan-Sêwerek cewab ame dayen.” Koordînasyonê PAJK arde zûne ke, PKK partiya şehîdana û ûna dewam kerd: “PKK de raştiya şehîdan rê, bi hemleyanê gird cewab yeno dayen. Pêrokîn hewldayiş û nûmayişê PKK, wahar vecîyayişê şehîdan û riyeçê şehîdan ra şîyayiş o.”
Eşkerakerdiş de vacîya ke, rûhê azadîyê 18 Gulane her waxt pin dano û gunîyo. PAJK arde zone ke, Nisêbîn, Gever, Cizîr û Sur de, YPS, YPS-JIN pê no rûhî tekoşîn kenê. Pêniyê mesaj de PAJK şehîdan rê hêna giredayinê xo arde zûn, sozê berzkerdenê tekoşînî da û pêroyê ceniyanê azadî yê heskerdenan ra waşt ke, tewrê tekoşînê azadî bibê.
Şehîdê 17-18'ê Gulane
Azayê Komîtêyê Navendî yê PKK Muzaffer Ayata derheqê Şehîdanê Aşma Gulane de ANF rê qisey kerdî.
Ayata sernî de şexsdê Hakî Karer, Denîz Gezmîş û Mehmet Karasungur’an de pêrîn şêhîdê şoreşî ard vîrî û wina qisey kerd: "Denîz, Mahîr û Îbrahîm’an rixmo ke gencbî fina zî sîstem hedef girot û yewbiyayînê şaran ra baweriyê înan est bî. Fikrê yinê zî Rayver Apo şoreşê Kurdistan de ramit û vîna ke hetanî Kurdistan rêxistin nêbo û nêreso azadî xo, Tirkiya de şoreşê ke raştiqîne nêno runanîn."
‘Şima nêşkenê ma teslîm bigîrê’
Muzaffer Ayata, dewamîya qiseyanê xo de eleqe ant şehadetê kadroyê rayver yê PKKHakî Karer, Halîl Çavgun û 4 astarê Ferhat Kurtay, Necmî Oner, Eşref Anyik û Mahmut Zengîn’î ser û wina vat: "Şehadetê inê embazan bi wesîleyê rêxistinê gird. Bi Hakî’yan ra, ine hereket de yewbiyayînê şarê Kurd û Tirk esta. Înan bi şehadetê xo mesajê, 'şima êşkenê (besekenê) ma bikişê, la belê şima nêşkenê ma teslîm bigirê' day pêrokîn dinya.” Ayata pêyniyê qiseyanê xo de ard zon ke Şehîdê Aşma Gulane kulturê xoverdayîşê tarixî nayo ru (ronayo) û wina vat: "Ser mîrasê înan ma heta ewro xo ser lingan de tepişt û lazimo ma vîra mekerê ke ewro yê ke dinya de ma vengê xo berz kenî saya yin dayo. "
ANF/BEHDÎNAN
Şehîdan şarê sosyalîstî ardî pêhet
Azaya Koordînasyona Koma Ceniyê Kurdistan KJK Jiyan Lava bi wêsileyê Şehîdê Aşma Gulane qisey kerd.
Lava eleqe ant serraçarnayişê 40'in yê şehadetê Hakî Karer ser û vat "Şehadetî Hakî Karer tenya seba şarê Kurd nê, seba pêrîn şaran biyo rumet. Hunca biyo wesîle ke ewro şarê sosyalîst û demokratî bîrê pêser û tekoşînê xo biramê." Jiyan Lava ard ziwan ke her şêhîdeke biyo wesîlê serkewtişî û wina dewam kerd: “Embazê Egît hemleyê eskerî yê ewîl ra bi wesîle, Berîtan embaz ra arteşbiyayînê cenîyan virazîya. Şehadetê Zîlan embaz ra zî hereketê ceniyan mehnê îdeolojîk de hemleyeke newe dest kerd ci. Seba inê ma êşken vacê yê ke ewro tekoşînê ma resna ina merhelê şehîdê ma dayê.”
Tekoşîne berz bikerime
Lava peyniyê qiseyanê xo de aşkere kerd ke çeher letê Kurdistan de heme xebatanê xo de lazimo ma xetê şehîdan esas bigirê û hina va: “Heta delba guna ma pêynî ma tekoşîne xo yê azadî berz bikirê û serra 2016 bikê serra azadî. Ser inê esasan ma fina bîn sozê ca ardinê hevî û xeyalê yinê danê."