Serekê Dayîreyê Zabitayan Baran Îpekyuzî va “Heqê bajarî û bajarijan do bêro pawitiş.”
Serekîya Dayîreyê Zabitayan ya Şaredarîya Bajarê Girdî ya Amedî, destur nêdana cayanê qeçax û bê rûhsatan. Ekîbanê Zabitayan mintiqaya qezaya Yenîşehîrî Uçkuyular de 10 bufeyê ke peyarayîr û kişta cadeyan de ameybî viraştiş pê makîneyê karî wedarit. Bufeyî bi ardimê vînçan wesayîtan rê ameyî barkerdiş û neqlê depoyanê îtfaîya bîy.
Serekê Dayîreyê Zabitayan Baran Îpekyuzî derheqê xebatanê zabitayan de zanayîş da û wina va “Seba cayanê qeçaxan xebatê ma dewam kenê. Xeylê bufeyî ke gelek cayanê bajarî de nîyayê ro hetê ekîbanê ma ra ameyî wedaritiş. Ma ewro mintiqaya qezaya Yenîşehîrî Uçkuyular de 10 bufeyî wedaritî. Ma do çirey destur nêdê cayanê qeçaxan. Heqê bajarî û bajarijan do bêro pawitiş."
Ekîbê zabiteyan 7/24 xebitîyenê
Îpekyuzî da zanayîş ke ekîbê Zabitayan bi hîrê vardîya 7/24 xebitîyenê û wina dewam kerd “Ekîbê ma cayanê esasî yê bajarî de her wext teftîşan kenê. Cayê qeçaxî yê ke yenê kifşkerdiş ewil yenê îqazkerdiş. Eke îqazê ma bêrê peygoşkerdiş ma qerarê rijnayîşî gênê. Û dima ra ê cayê qeçaxî hetê ekîbanê ma ra yenê wedaritiş.
AMED