Dersim de 4 wendekarê bînî yê Zangehê Mûnzûrî tepêşîyay. Nayî ra pîya hûmara wendekarê ke tepêşîyay resya 12 kesan. Herzewbîn çend rojanê peynî de bi desan sûkanê Tirkîye û Kurdistan de ezdîye 700 kes girotîyay bin çiman.
Wendekaranê Zangehê Mûnzûrî seba protestokerdişê binçim girewtişê Hemserokanê HDP Selahattîn Demîrtaş û Fîgen Yuksekdag rayşîyayişeke viraştibi. Rîwalê nayî quwetanê dewlet 8ê Kanûne de eştî keye û cayanê wendekaran ser û 12 wendekaran girotî bin çiman. Dima ra wendekarî vejyay vernîya mahkeme û 7ê ci tepêşîyay. Roja verî zî 4 wendekarê bînî bi îdiayê ‘endamîya rêxistin’ tepêşîyay. 4 wendekaran ra pîya heta nika 11 wendekarê Zangehê Mûnzûrî amey tepiştiş.
Tenya Dersim de nê, teqayîşî Beşîktaşî ra dima panc rojan mîyan de nezdîye 700 kes girotîyay bin çiman û bi desanê ci tepêşîyay. Nînan ra xeylê ci zî endam û îdarekarê HDP û DBP yê. Herzewbîn kesê ke Stenbol de amey binçim girewtiş Midûrîyetê Emnîyetî de raştê îşkenceyanê giran amey.
DERSIM