Hemserekê DBPyî yê Amedî yo kehen Alî Şîmşeko ke 17ê nîsana 2016 de ameybî tewqîfkerdiş, 13 aşmî ra dima îdîanameyê ci ame amadekerdiş. Îdîanameyo ke 40 rîpelan ra pê yeno de, Şîmşek bi îdîayê ‘endamê rêxistine bîyayene û propagandaya rêxistine kerdene’ ra yeno sucdarkerdiş û 8 serrî ra heta 20 serran ceza ey rê yena waştiş.
Şîmşek pêro pîya 22 meş, îzehetê çapemenî û roportajan ver yeno sucdarkerdiş. Reyna wexto ke polîsan bînaya DBPyî de sehnayîş viraştbî, ewja de saeta dêsî, kovare, pankart, kitab û compituran sey suc hesibna. Reyna dozgerî poster û fotografanê Rayberê Şarê Kurdî Ocalanî zî suc hesibna. Heto bîn ra dozgerî derheqê vengdayîşo ke DBPyî seba Kobanê viraştbî zî suc hesibnayo û qiseykerdişanê Şîmşekî çarçeweya azadîya xo îfadekerdişî de nêgirewto dest.
AMED