14 cenazeyê HPG’yîjan ke yeno îdîakerdiş ke operasyonê Licê de weşîya xo kerdê vinî hewadîyay nêweşxaneyê Amed û Çewligî.
Qezaya Amed Licê de, 5ê Adare ra tepya 18 dewan de qedexe ronîya û îlankerdişê qedexe ra dima zî operasyonê lejkerî dest pa kerd. Operasyono ke bi tewrbîyayîşê hezaran lejker, polîs û qoricîyan çoltarê Licê û Genç de destpa kerd rameno.
Ame îdîakerdiş ke netîceyê operasyonê hurdî qezayan de 14 HPG’yîjan weşîya xo kerd vinî. Ame dîyarkerdiş ke cenazeyê 8 kesan hewadîyay nêweşxaneyê Amedî û cenazeye 6 kesan zî hewadîyay morgê neweşxaneyê Çewlig.
Dewijan ra xeber nîna girewtiş
Bi sebebo ke operasyon bi paştgirewtişê teyareyan yeno domnayîş xetê telefonan birîyayê, dewijan ra xeber nîna girewten.
AMED