Guleya yewin. Qesasê yewin. Hamleya yewin. Gurme-gurme guleyan. 15ê Tebax bi xora zaf çî ard. Qey (seba) şarê kurdî tarîxe xoverdayîş de yew mîlado. Bi 15ê Tebaxî ra mîyanê şarê kurdî de zaf çîyan de bedilnayîş bi. Yew eşkeno hina qor bikero:

Bi 15 Tebaxî ra mîyane şarê kurdî de fedayîtî û mîlîtanî raver şi. Hetanê 15ê Tebaxî şarê kurdî neyaran ra eskerî kerdenê. La 15ê Tebaxî dima ra şexsîyetê mîlîtanî vejîya werte.15ê Tebaxî dima ra şarê kurd êdî qey xo eskerî kerd. Cenîyê kurd yê fedayî kewtî meydanê şerî. Şarê kurd bi şarêke berxoder. Şarê kurd bi temsîlkarê xo. Şarê kurd bi xo bi dîplomate xo. 15 Tebaxî dima ra Kurd zî Kurdistan zî bedilya.Kurd bi kurdêke newe. Kurdistan bi Kurdistanêke newe. 

Kurdan veng da dinya. Bi taybet cenîya kurd bî namedar. Şerê Minbic ser nê mîrasî ame ramnayîş. Hetêk de rengê sîya, mezg û wijdanê sîya yê çete DAÎŞ yê Tirk. Hetêke bin ra zî rengê hel spî, mezg û wijdanê hel spî YPJ û YPG. Vejîyê meydane şerî. Vejîyê meydane şer yê Minbicî. Verênanê ma vato ya: ‘Şêr şêr o, çi camerd çi cinî’ yo. Minbic de eynî hina bi. Foto û dîmene ke hetê  medyayî ra amey vilakerdiş, zaf foto û dîmene baldar bî. Kam heb cinîya Minbic hetê hêzên YPJ înan ra amenê xeleskerdiş, karê înan yê verê cû o bi ke, çarşef û şalê sîya eştênê. Yê dîyin zî cigare antiş bi. Ayê hîrêyin zî huyayîşê înan yê baldar bi. 

Pêronê dinya fek akerd nê çîyê seyrkerdî. Pêronê dinya dî ke cinîyê kurd senî şer kenî, senî çete DAÎŞ yê dewleta tirk tar û mar kenî. Cinîya kurd Minbic de tena çete DAÎŞ bin nêvist. Cinîya Kurd dewleta tirk û zîhnîyeta ci ya qirker zî bin vist. Egîdîya cinîyê kurd hina veng da ke, her kes kewno qor ke şervananê YPJ ra foto bianco. Modele egîdî yê dinya bîya cinîya kurd yê YPJ’yî.Na yew raştîya û yew heqîqeta. 

Ser na raştî Serokê Fransa Françoîs Hollande, serra 2015 de Saraya Elysa de meyvandarîya cinîyên kurd kerd. Pê şerê Minbicî role cinîyên kurd hîna zêdeyîr dinya ra vila bi. Cinîyê kurd yew bi yew qesase Şengal gênî. Dor ameyo Arîma, Bab,Qebasîn, Axtarîn û Marê. Cinîyê kurd Kobanê, Minbic û Efrîn resnenî yewbîn. Cinîye kurd, ereb, çerkez û tirkmen resnenî yewbîn. Cinîya kurd bîya hêvîya cinîyên dinya. Bîya raştîya xelasîya cinîyên dinya.