Dewa Çirik ê Qezayê Çewlîg Kanîrêş de dewijî pê (bi) nêweşîyê sîlîkozîs nalenê. Çirik'ij xelyek serran cuwaver Estanbûl de gureyê kot kerekerdişî dî û hol perê qezenc kerde. Naye ser ra cad dewi ra merdimê xo bîne zî berdî vistî gure, ling şa ver û şo roj xebitiyay.
Sîlîkozîs bi semedê mergî
Welatijî neçar bî û têna waştenê înan hol perê qezenc bikerî û ûmeyîşê qijanê xo bixelisenî. La dewijan nêzûnayene ke, no gure ço yî (kesî) fîneno destan û kişeno. Waxte ke serranê xo gencî de nefesê nê xebatkran biriya, hama fam kerde ke belayo gird gureto sare xo.
Hêver dewijan ra Erkan Akyurek o 32 serre sîlîkozîs ra merd û bado zî pêroyê xebatkaran raştîye na nêweşî sarisna. Dewe ke nifusê ci 1800 ya înan ra 170 kesî na nêweşî de gelç vejene. Înan ra 25 nêweşî cihaza nefasa giredaye yî û merge xo pawene.
Çend aşman miyan de hey nê nêweşan ra yew mireno. Hetûn êr 14 xebatkaran weşiyê xo kerde vîne. En pênî de zî emserr 30 serre Serdar Dundar zî dinyayê xo bedilna. 2 serran peyinan de 3 welatijî niweşiyê sîlîkozîs ra merdî. Bisebebo ke xebetkarî bê sîgorta xebityayî qe yew qezenc înan zî çîno û merge înan dima cenî û qijê înan bêwahar û neçar mûnenê.
ÇEWLIG