Can vat ke aşma gulane de dîroka înan a xoverdayîşê şorişgerî de wayîrê maneyêka girde ya û wina vat: “Aşma gulane, aşma şehîdê qehramanîye ya. Serî de zî rayberê serehawanayîşê şorişgerî yê 71’î Îbrahîm Kaypakkaya, awankerdoxê PKKe Hakî Karer, Ferhat Kurtay û Çaran, ez nê qehramanê nêmerd bi rêzdarî vîr anena. Îbrahîm Kaypakkaya, Mahîr Çayan û Denîz Gezmîş reyde rayberê ma yê şorişgerî yê serehawanayîşê 71’î yê ke mora xo dayo binê serdemêko şorişgerî yê tevgerê ma. Serehawanayîşê şorişgerî yê 71’î qutbîyayîşêko sîyasî û vîrdozî, pergalî ra yo. No qutbîyayîş bi Kaypakkaya hîna manadar bîyo. Kaypakkaya qutbîyayîşê kanşopîya parlamentarîst, reformîst, revîzyonît, oportunîzmê raştgîr o serdestîya 50 serrî bedilnayo formêko vîrdozî-teorî, bêşik cayê xo cîya yo.”
Kanşopîya xoverdayîşî
Can bal ant kanşopîya xoverdakarî ya Kaypakkayayî ke verba her tewirê îşkenceyî de sereyê xo çewt nêkerdo ser o û wina dewam kerd: “Eke 18’ê Gulane zey manîfesteyêka xoverdayîş, kanşopîyêka xoverdayîş zey vindertişêko Îbo hîna ser na herra manadar o, bêşik na yew nîşan dana ke na kanşopîya çiqasî xorîn a. Vindertişê Kaypakkayayî yewbînangirewtişî yê problemê kurdî, nê tena bandor tevgerê şorişgerî yê Tirkîya kerdo, eynî demî de bandor averşîyayîşê tevgerê demokratîke yê şorişgerê Kurdistanî zî kerdo. Averşîyayîşê tevgerê azadî yê neteweya kurdî de analîz û vindertiş de rolêko muhîm Kaypakka kay kerdo. Pirdê Îbo ra hetanê Hakî û Kemalan, vatişê herdemîyêko dîrokî yo ke şorişgerîya enternasyonel de eyro zî esto.”
Şorişê Tirkîya
Can destnîşan kerd ke gerîlayîya Kaypakkayî Dêrsimî de da destpêkerdiş, hetê PKKe zî mîyanê şert û mercê zehmetî de şênber bî û no dergî da qiseyê xo: “Şorişê Kurdistanî zey şorişêko heremî hetê netîceyê şorişgerî yê mîyanêneteweyî de rolêko muhîm kay kerdo. Ma na yewe ravêreyeya Şorişê Rojawan û xoverdayîşê Kobanê de dî. Şorişê Kurdistanî yê ke dîzaynkerdişê têkilîyê hêzî yê Rojhelatê Mîyanênî de dî. Bi qasî ke bandorê heremî de bikero no zey şorişêko Kurdistan û şorişêko heremî de aver şîro. Vizêr rayîrê Şorişê Kurdistanî Tirkîya ra vîyartînî, eyro rayîrê şorişê Tirkîya, Kurdistanî ra vîyareno û na raştîyêk a.”
Bi israr ver bi serkewtişî meş
Can ciresna ke Tevgerê Şorişî yê Pêrabesteyî yê Şaran (TŞYG) ê 12’ê adare de ame ciresnayîş, gêrayîşê verpersî no averşîyayîşî yo û wina ard ziwan: “TŞYG hesreta Îbo, Denîz, Mahîr, Hakî û Kemalan a, Manîfestoya Xoverdayîşî ya 18’ê Gulane ya Kaypakkayayî û Hakîyan, mîrasê înan ê şorişgerî eyro Kurdistan û Tirkîya de bi xoverdayîşêko bêhempa dewam keno. Ê do xoverdayîşê 18’ê Gulane eyro hîna girdêr bikerî û bi israr ver bi serkewtişî bimeşî.”
ANF/BEHDÎNAN