Dapîra bi nameyê Sakîne Demîr ke nêweşa qanser a, seba ke esteyanê lajê xo ke verîya 24 serran weşîya xo kerd vinî bigîro, Sewreg ra şî Mûş. Malbata Demîr, badê xêlê geyrayiş û cipersayişan musîya ke lajê înan serra 1988î de tewrê PKK bibi, 10ê gulana 1992î de pirodayişeke Mûş de bi 4 embazanê xo weşîya xo kerd vinî û cenazeyê ci hetê quwetanê dewlet Mezeleyê  Taşoyê, de ameyo definkerdiş.

Erdê mezelî maç kerd
Ser nayî malbata Demîr qandê testa DNA serpirodayişê Serdozgeriya Komarê ya sûk kerd û dima ra şî mezeleyê bêkesan. Dapîr Sakîne şî Mezeleyê  Taşoyê ke yeno texmînkerdiş lajê ci ewja de tefin bîyo de dûa kerd, lorikî lorna û erdê mezelî maç kerd.

Dapîr Sakîne ke 24 serrîyo ageyrayişê lajê xo pawena, tenya waştena ayî na ya ke xo biresno esteyanê lajê xo. Demîr ke bi serrano emel nêkerdo lajê ci weşîya xo kerdo vinî şîn nêgirêdayo û rixmê emrê xo yê pîr zî geyrayişê xo yê pey lajê xo ra fek nêverda. Maya Sakîne nika tenya wazena bireso esteyanê lajê xo û ci rê mezelêk virazo. Yeno pawiten ke dozgerî seba testa DNA zerreyê aşmekê de qerareke bido.  n

DÎHA/MÛŞ