Hepsîyo nêweş Kînyas Gulcan 6ê Teşrîna verêne de Nêweşxaneyê Dûrsû Odabaşi yê Unîversîteya Yuzuncu Yilî de wefat kerdbi. Gulcan ewil 1993 de keweno zîndan û 10 serrî zîndan de maneno. Dima ra 2018 de reyna tewqîf beno û 6 serrî û 3 aşmî ceza dîyena ci.
2 serran ra pey laşê ci de enfeksîyon virazîyeno û sewqê nêweşxaneyî beno. Herçiqas ke keye û avûkatê ci muracat kenî zî îdareyê zîndanî ci nêbeno nêweşxane. Badê ke Gulcan eciz beno, erşawîyeno nêweşxane û 3 rojî ewja de maneno. Lajê Gulcanî Servet Gulcanî dîyar kerd ke pîyê ci ewja de seba ke bimiro ameyo verdayene û da zanayene ke ê do îdareyê zîndanî gerre bikerî.
Laj Gulcanî wina domna: “Berê pîyê mi herkesî rê akerde bi û zaf ameyêne heskerdene. Pîyê mi citkar bi û şarê xo zaf hes kerdêne. Pîyê mi hertim hetê dej û bextewarîya şarê xo de bi. Pîyê mi seba ke merasîmêkê cenaze de fatîhayêk wendbi amebi tewqîfbîyayene. Ma seba ke pîyê mi bêro tedawîkerdene zaf muracatî kerdî. Wexto ke mi nêweşxane de pîyê xo dî, mi ey nêşinasna. Mêrdimêko ke hende dej anceno, senî nîno tedawîkerdene. Pîyê mi 3 rojî destê ci kelepçekerde nêweşxane de yeno vindarnayene, labelê doktorêk zî nêşîyo ser. No zî nîşan dano ke pîyê mi seba ke mergî ameyo vindarnayene. Ganî ma hepsîyanê nêweşan rê wayîr bivejyî.”
MA / ÎDIR