3 serrî ra pey keyeyê xo xelisna

BÊRÎTAN SARYA / ANF/DÊRAZOR 

Ferhad Asman Casim keso ke 33 serre yo û dewa Hamal El Alî ya Dêrazorî ra yo. Casim krîzê Sûrîye ra ver karkerî kerdêne, la badê ke OSO û DAIŞî Dêrazorî dagîr kerdî ra dima cuya ci bedilîyaye. Casim 3 serrî verê destê DAIŞî ra rema û xo resna YPG û beşdarê YPG bî. Nika ra yew aşme verê zî Casimî bi embazanê xo dewa xo û keyeyê xo xelisna. 

Casim beşdarê Hemleya Azadkerdişê Reqqa zî bîyo. Hîna Hemleya Reqqa nêqedîyaya, beşdarê Hemleya Firtineyê Cizîrî bîyo. Casim wina domneno: “Ma bi moralêko gird dest bi hemle kerd. Heme embazê YPGyîyê kehenî beşdarê hemleye bîyî. Ma seba hemle xo amade kerdbî. Ma bi hawayo nizamin, dîsîplînin û biplan dest bi hemle kerd. Ma zehmetîyî antî labelê nika baş şono.”