Sera de amey resnayiş
Serekîya Dayîreyê Park, Baxçe û Keskgehan ya Şaredarîya Bajarê Girdî ya Amedî bi ameyîşê mewsîmê payîzî xebata resnayîşê vilan û poşêktkerdişê vilan domnena. 300 hezarî vilikê ke seraya şaredarî de ameyî resnayîş nika ra seba ronayîşî erzîyenê mîyanê poşêtan. Goreyo ke Serekîya Dayîreyê Park, Baxçe û Keskgehan aşkera kerd, hezaran nebatê binevşe, leheneyo yabanî do hewtêna çatrayîr û keskgehanê bajarî de bêrê ronayîş.
Serekê Dayîreyê Park, Baxçe û Keskgehan A. Samet Uçamanî derheqê xebata înan de zanayîş da û wina va “Ma goreyê mewsiman nebatanê xo resnenê. Ma desenanê nebatan seraya şaredarî de kifş kenê. Seraya şaredarî de hetêk ra toximî yenê ronayîş hetêk ra zî şitilê ke verê cû ameyî resnayîş erzîyenê mîyanê poşêtan. Vilikî qasê 15 rojan mîyanê poşêtan de yenê vindarnayîş. Eke ma xebata xo qedîna, ma do vilianê xo her cayê bajarî de ronê.”
Dê mîyanê 2.5 aşman de bêrê ronayîş
Uçamanî îzah kerd ke înan emser semedê mewsîmê zimistanî giranîya xo daya nebata binevşe û leheneyo yabanî ser û wina dewam kerd. “ Ma do mîyanê 2,5 aşman de 300 heb nebata binevşe û leheneyo yebanî, çatrayîr, refuşê orte û parkan de ronê.”
AMED