Quwetanê dewleta tirk 9ê aşme de qezaya Pilûr de Dola Pilûr bi teyareyanê herb bombevaran kerd. Netîceyê bombevornayenan de 4 gerîlayanê HPG weşîya xo kerdî vinî. Roja ponşeme bado ke rayîra Pilûr amê rakerdene welatijî bi konvoya wesayîtan şî cayê bîyayiş. Welatijê ke cenazeyan girotî bi slogananê “Şehît nêmirenê” kirêştî ambûlansan. Konvoya ke cenazeyan girot wextekê derg hetê Qereqolê Halvorî û Noqteya Qontrol yê Kemere Bel de amey vindernayen û qontrolê kamî virazîya. Cenazeyê ke wedarîyay nêweşxane seweta otopsî rişîyayî Sazgeha Tib a Edlî yê Meletî.
Îdiayê çekê kîmyewî
Rîwalo ke 4 cenazeyê gerîlayan veşîyayê, rîwalo ke cayê bombevornayen de jew ganîyeke zî nêame vînayen û herzewbîn rîwalo ke Çemê Mûnzûrî de xêlê masî merdî û day kinarî gumanê bombeyê kîmyewî ardî vîrî. Rixmo ke bombevaran verîya 2 rojî virazîya, la hona kî mintiqe ra dûmanê sipî ke mordemê bê nefes verdano vejyenê. Na kî gumanê kîmyasal kerd jêde.
DÎHA/DERSIM