Her çiqas ke çalakîyanê Parka Gezî ser ro 4 serrî derbaz bîyî, derheqê 192 kesê ke tede pawitoxê heqê merdiman û huqûqnasî zî estî de bi îdîaya beşdarê çalakîyan bîyî, îdîanameyêka newe ameye amadekerdiş. Îdîaname de bi îdîaya ‘Qanûnê Kombîyayîş û Çalakîyan rê muxalefet kerdene’ ra seba her kesî 5 aşmî cezaya hepsî yena waştiş.
Îdîanameya ke hetê Dozgerê Komare Nurettîn Ulutaşî ra ameya amadekerdiş û hetê Mehkemeya Ceza ya Eslîye ya 37. ra ameye qebulkerdiş, 24 rîpelan ra pê yena de, 23 rîpelan de lîsteya nameyan esta. Îdîaname de ameyo vatiş ke 35 kesê ke beşdarê çalakîyan bîyî, raştê hêrişêko wişk yê polîsan. Reyna îdîaname de ameyo dîyarkerdiş ke badê mudaxaleyê polîsan nê 35 kesî zî zirar dayî dormeyî û bîyî sebebê birîndarbîyayîşan.Avûkat Erdogan Akdogduyî va: “Demêko derg o ke xoserîya huqûqî çin a. Mehkemeyî bitalîmat xebetîyenî. Huqûq sey zopa û cezakerdişî yeno xebetnayîş. ”
ÎZMÎR