Quwetê Meclîsa Lejkerî yê Minbic, çarçoweyê hamleya şehîd fermandar Ebû Leyla de, darbeyanê girdî danê çeteyan ro. Mayinê ke hetê çeteyan amey bi ca kerden hetê Ekîbanê Meclîsê Lejkerî amey pakkerden.
Çeteyê ke, darbe ser darbeyan wenê, zûranê zey sivîlî kişîyenê kenê vila û wazenê emrê xo derg bikirê. Meclîsa Lejkerî yê Minbic îdîayê çeteyan zûrî vetî û da zonayen ke bi sebebo ke çeteyan darbeyê girdî werdî, omidê xo bi xeberanê zûra girê dayo.
Roja sifteyin ra na kişt sivîlan paweme
Meclîsa Lejkerî vist vîrî ke iyê rojê siftayin ra na kişt, wayirê sivîlan vejenê, vera îmkananê zehmet, sivîlan xelesnenê û qandê înan heme quwetê xo seferber kenê. Meclîsa Lejkerî vist vîrî ke taxa tewr gird ê Minbic El Hezawnê ra pîya, xeylê cayê rojawayê Minbic xelesîyay û xelesnayişê pêrokîn sûk zî nezdîyo.
Meclîsa Lejkerî qandê çeteyê ke mîyanê sûk de mendê sûk terk bikerê zî 48 seat wext da û vat: ‘Xeylê çormeyan qandê pawitişê sivîl korîdor akerdî, veng da ma. Ma zî goş danê nê vengdayişan û qebûl kenê, çeteyê DAIŞ ê çemberê ma miyan de mendê, 48 saetan miyan de bi tifînganê xo ê ferdî sûk ra vejiyê. Ma veng danê welatijanê sivîl zî ke wa tedbîranê xo bigîrê û mintiqayê lejî ra dûrî vinderê.
ANHA/MINBIC