5. Festîvala filman a Duhokê îro li Başûrê Kurdistanê dest pê dike. Festîval wê di navbera 9 û 16´ê Îlonê de pêk bê, û xelata ferî mezin a festîvalê jî li ser navê Yilmaz Guney tê dayîn. Filma destpêka festîvalê, filma dawî ya Kazim Oz “Zer” e. Filma Bulent Ozturk a ku bi hevkariya Belçîka/Tirkiye hatiye çêkirin a bi navê Blue Silence (Bêdengiya Şîn) beşdarî festîvalê dibe û li festîvalê wê cara yekem bê nîşandan. Filma Rojda Şekeroz a Beyond Dreams (Ji Xewnan û wêde) jî di festîvalê de wê bê nîşandan.
Di beşa filmên metrajdirêj de ji 3 parçeyên Kurdistanê 7 film cihê xwe digirin. Film bi pirranî ji berhemên Kurdên li diyasporayê pêk tê. Ji Rojhilatê Kurdistanê Jamil Mafakhery (Cemîl Mexaferî) bi filma “Had Been Pomegranted for You/Ji bo te ez hinar bûm”, ji Başûrê Kurdistanê Fikrî Beroşî bi filma “A Dream Before Dying/Beriya mirinê xewnek” jî di nava van heft filman de cihê xwe digirin. Filma Amed Korkmaz a bi navê “Leyla”, filma Ali Kemal Çinar a bi navê “Genco” û filma Haşim Aydemir a li ser hovîtiya li zindana Diyarbekirê ê bi navê 14´ê Tîrmehê jî di festîvalê de tên nîşandan.
Di pêşbirka navneteweyî ya kurtefilman de jî ji Elmanya, Fransa, Ingilistan, Swêd, Fînlandiya û Romanyayê 10 film didin ver hev.
Di beşa kurtefilmên Kurdî de 8 film hene. Mihemed Şerwanî bi filma xwe ya ji Kurdistanê “Dia“,Mehmet Ali Baran ji Bakurê Kurdistanê bi filma xwe ya bi navê “Node” di festîvalê de wê ji bo xelata filma herî baş bikevin pêşbirkê.
Di beşa belgefilmên Kurdî de jî filma Rêber Doskî a binavê Radyoya Kobanî jî di navê de 5 film tên nîşandan.
Bernameya berfireh û jurî
Serokê jurî yê pêşbirka filmên Kurdî yên vê beşê profesorê medya Audio-visual filmsaz û senaryonivîser Christoph Dreher e. Endamên jurî yîn mayî jî Kais Al Zubaidi weşanvan û çavdêrê Iraqî, Daphne Charizani derhêner û nivîserê Yunanî, Yilmaz Ozdil ê Tirkî, û Julek Kedzierski rêkxerê Mannheim Meeting Place – IFFMH yê Brîtanî.
Filmên Bijare yên Pêşbirka Filmên Kurdî
Cemîl Mefaxerî, I Had Been Pomegranted For You (Ji bo te ez hinarek bûm) - Îran/ 2017/ 80 deqîqe
Fikrî Beroşî, A Dream Before Dying (Beriya mirinê xewnek) – Başûrê Kurdistanê / 2017/ 100 deqîqe
Bulent Ozturk, Blue Silence (Bêdengiya Şîn) - Belçîka, Tirkiye/ 2017/ 93 deqîqe
Rojda Şekersoz, Beyond Dreams (Ji Xewnan û Wêde) - Swêd/ 2017/ 90 deqîqe
Ali Kemal Çinar, Genco - Tirkiye/ 2017/ 80 deqîqe
Haşim Aydemir, 14 July (14 Tîrmeh) - Tirkiye/ 2017/ 148 deqîqe
Amed Korkmaz, Leyla - Tirkiye/ 2017/ 60 deqîqe
Li vir cihê dax û xemê ye ku filmên ji Rojhilat û Bakurê Kurdistanê weke ku ji Îran û Tirkiyeyê bin hatine danasîn. Lewma ev film bi navê dewletên li wan tên çêkirin li qeydiyên fermî û lîsteyên navneteweyî tên zêdekirin.
Juriya kurtefilman
Juriya pêşbirka kurtefilmanji bo 5. Fêstîvala Filman a Duhokê ya Navneteweyî, bi serokatiya Vincent Malausa rexnegirê filman yê ferensî û nivîserê kovara Les Cahiers du cinema, ye. Endamên mayî yîn juriyê nivîskar, aktor û derhênerê Kurd Shwan Attoof, û Dahci Ma, derhênera ji Koreyê ye ku wergira xelatê grand-prix at Lincoln Center li New Yorkê ye.
Filmên Pêşbirka Kurtefilmên Cîhanî
Cavo Alan Kernich, Mikel - Elmanya/ 2017/ 30 deqîqe
Belle Ville by Jung Won-hee - France/ 2016/ 26 deqîqe
Dawn of the Deaf by Rob Savage - UK/ 2016/ 12 deqîqe
Jodilerks Dela Cruz, Employee of the Month by Carlo Francisco Manatad - Philippines, Singapore/ 2017/ 13 deqîqe
Gaze by Farnoosh Samadi - Iran/ 2017/ 15 deqîqe
When you love by Süheyla Schwenk - Almanya/ 2016/ 29 deqîqe
Anonyma by Zanyar Adami - Sweden / 2017 / 7 deqîqe
Cold Storage by Thomas Freundlich - Finland/ 2016/ 9 deqîqe
Written / Unwritten by Adrian Silisteanu - Romanya/ 2016/ 20 deqîqe
Recall - Dániel Reich by Hungary/ 2017/ 20 deqîqe
Fimîn beşa Pêşbirka Kurte Filmên Kurdî
Kae Bahar, A Special Guest (Mêvanekî taybet) - Ingilistan / 2016/ 19 deqîqe
Mohammad Farahani, From Hasaka with Love (Ji Hesekê bi hezkirin) - Îran/ 2016/ 9 deqîqe
Kardo Mansur, Taste of Rabbit (Tahma kîvroşkê), Norwêc, Rûsya / 2017/ 11 deqîqe
Mostafa Gandomkar, Alan - Îran/ 2017/ 20 deqîqe
Berî Şalmaşî, Shouted from the Rooftops (Qîrînên ji banan) - Başûrê Kurdistanê, Holanda / 2017/ 7 deqîqe
Mehmet Ali Baran, Node (Girêk) - Tirkiye/ 2017/ 19 deqîqe
Mihemed Şerwanîm, Dia - Başûrê Kurdistanê / 2017/ 11 deqîqe
Mohammad Reza Minapour, Achieve (Biserxistin) - Îran/ 2017/ 11 deqîqe
Juriya belgefilman
Serokê juriya beşa belgefilmên cîhanî û Kurdî derhênerê Gurcî Nino Kirtazde ye ku wergirê xelatan e, rojnamevan, aktor e.
Endamên juriyê yên mayî Mano Xelîl, derhêner û berhemhênerê Kurd ê ji Rojavayê Kurdistanê û niştecih e Swîsre, Thomas Kößler serokê peywendiyên ofîsa Înstîtuta Goethe ye li Hewlêrê.
Belgefilmên Cîhanî
The Art of Moving (Hunerê tevgerê) - Liliana Marinho de Sousa - Elmanya/ 2016/ 89 deqîqe
Mama Colonel - Mama Colonel - Fransa, Kongo / 2017 / 72 deqîqe
Nokas - Manuel Alberto Maia - Îndonezya/ 2016/ 76 deqîqe
Ama-San - Cláudia Varejão - Portekîz, Japonya, Swîsre / 2016/ 112 deqîqe
Confrontation (Rûbirûbûn) - Nejla Demirci - Tirkiye/ 2017/ 63 deqîqe
Waiting for the Sun (Payîna rojê)- Kaspar Astrup Schrøder - Danîmarka / 2017/ 90 deqîqe
End of Eden (Dawiya baxçeyê cenetê) - Angus Macqueen - Ingilistan / 2016/ 83 deqîqe
Belgefilmên Kurdî
Separation (Jihevqutbûn) - Hakar Abdulqader - Kurdistan/ 2017/ 69 deqîqe
Brothers of Silence (Birayên bêdengiyê) - Taylan Mintaş - Tirkiye/ 2017/ 86 deqîqe
Radio Kobani (Radyoya Kobanî) - Rêber Doskî - Holanda/ 2016/ 69 deqîqe
Dil Leyla - Asli Ozarslan - Elmanya/ 2016/ 71 deqîqe
Resistance is Life (Berxwedan jiyan e) - Apo W. Bazidi - Tirkiye, DYE/ 2017/ 73 deqîqe
The Red Green (Keskesor) - Ersin Kana - Tirkiye/ 2016/ 74 deqîqe
NAVENDA NÛÇEYAN