Tirkîya de seba ke selahîyetêko bêsînor dîyayo polîs û leşkeran, her roje neheqî û înfazê cîya-cîyayî yenî kerdiş. Nê neheqî û înfazî seba ke ‘destpironêginayîya bêsînore’ dîyayo leşker û polîsan ceza nêdîyeno ti kesî. Goreyê daneyê Komeleya Heqê Merdiman (ÎHD) mîyanê serra peyêne de 500 kesî bi guleyê polîs û leşkeran ameyî kiştiş.
Babete ser o Avûkate Reyhan Yalçindage qisey kerde. Yalçindage qiseykerdişê xo de wina va: “OHAL ra dima huqûq destê îqtîdarî de bîyo pêkaykerdox. Ma etirîyenî; çimkî polîs û leşkerêk daxî înfazan ver nêameyo tewqîfkerdiş. Destpironêginayîyî parlamenteran ra girewtî û dayî leşker û polîsan. Ma wextêko ke merdimî sey welatanê Kendawe de mirenî, raştê neheqîyan yenî û cinîyan rê heqê cuyayîşî nêdîyeno ra derbaz benî. Eke wina bo, o wext ewleyîya 80 mîlyon merdiman do senîn bêro girewtiş.”
AMED