Di nêy çalakîyanê sabotajî de êy tesbîtkerdey tewir tay 8 eskerîy amey kiştene û bi desan zî dirbetin bîy. Dewleta tirke seba ke nêy derrbê giranan bilûmno bi propogandayê zûran hûmarê ecêb yê qaşo vîndîbîyeyanê gêrîllayan dano.
Navenda Resnayiş û Çapemenîya HPG derheqê çalakîyanê gêrîllayan êy verva artêşa tirke de eşkerayîyêka nûştekî da. Di eşkerayî de ame vatiş ke Çarçela de 8 eskerê artêşa tirke amey kiştene. Navenda Resnayiş û Çapemenîya HPG derheqê çalakîyanê gêrîllayan êy verva artêşa tirke de eşkerayîyêka nûştekî da.
Eşkerayîya HPG wina ya; "Di çarçoveya Hemleya Şoreşgerî ya Ş. Pîroz û Ş. Agirî de, gêrîllayanê ma verva hêzanê dişmenî êy Çarçelaya Gevere û herema Bradoste ya Vaşşûrê Kurdistanî de çalakîy pêk ardîy. 5'ê Îlone seetanê sibayî de gêrîllayanê ma verva Hêzanê dişmenî êy Girê Lêlikan rêze çalakîy pêk ardîy.
Çalakîya verva hêzanê dişmenî 2 milan ra pêk amî. Mewzî û setarê hêzanê dişmenî bi awayêko giran amey derbkerdiş û xeylê kişte û dirbetinê dişmenî virazîyay la hûmara kişteyan nîyamî zelalkerdene. Badê çalakîye hereme hetê hêzanê dişmenî ra bi hawan û topan amî bombevarankerdene. 4'ê Îlone seetanê şanî de hêzanê dişmenî verva herema Çarçellaya Gevere operasîyonêko hewayî pêk ard. Badê operasîyonî bi helîkopteran eskerîy hereme de amey ronayiş. 5'ê Îlone gêrîllayanê ma verva eskeranêy ke hereme de amebîy ronayiş çalakîyê sabotajî pêk ardîy.
Di nêy çalakîyanê sabotajî de êy tesbîtkerdey tewir tay 8 eskerîy amey kiştene û bi desan zî dirbetin bîy. Dewleta tirke seba ke nêy derrbê giranan bilûmno bi propogandayê zûran hûmarê ecêb yê qaşo vîndîbîyeyanê gêrîllayan dano. Di na mijare de çîyêy ke hetê dewleta tirke ra yenê vatişî zûr ê. Reyna 4'ê Îlone de gêrîllayanê ma verva hêzanê dişmenî êy Girê Xeregol yê Çelêya Colemêrge çalakîy ro dar vistîy. Di çalakîye de mewzîyê hêzanê dişmenî bi awayêko giran amey derrbkerdiş û xeylê kişte û dirbetinê dişmenî virazîyay.La hûmara kişte û dirbetinan nîyamî zelalkerdene.
Badê çalakîye hêzanê dişmenî herema Ş. Rustemî bi obus û hawanan topvaran kerde."