Key qeseykerd, kamî de qeseykerd naye nêvanê.
Raştîye de qeyta qesey nêkerd.
Qesey kerdena xo xapitene bîye.
Seyîd Rizayî ra vat ‘bê ma wazeme to de qesey bikeme’ berd darde kerd.
Rayverê sima Mistê Korî nîya zurkerd, qesey kerd.
Mebusê kurdî berdî meclîsa xo, dima kiştî.
Derdê sima haştîye nêbîye û nîya. Derdê sima kistene, binê bandire guretene bî.
Sima dîna gurete peyê xo, cira çekî guretî û bi nî çekan kurdî tertele kerdî û
kenê.
Sima nêbî ke Dersîm tertele kerd.
Sima nêbî ke Şex Seîd estra dare.
Çi qesey kerd sima lawo!!
Key û kamî de qesey kerd sima!
Nî sima nîye ke her roz herdê ma sanenê bomban ver.
Sima henke eseqîyero kistene û merdene mezelu bîle bêmavên bomba kenê.
Qesê sima qeyta çîne bî.
Sima de dêkûdolavî bî.
Reyna vajî: sîyasetê sima de caye haştîye çîno.
Ser û sevevê na merdene û gonî sima sermîyanê tirkî yê.
Verecoy Süleyman Demirel, Çiller, Özal, Ecevit tirk û kurdî dayî kistene.
Nika qetilkarê nî domonan, Recep Tayyip Erdoğan o, Bülent Arınç o, Cemil Çiçek o, Hüseyin Çelik o, Bekir Bozdağ o, Abdullah Gül o.
Lewê nînan de rojnamevanê Neoergenekonî qetilkarê nî domonanê.
Ahmet Altanî na waxt de hurênda Ertuğrul Özkök yê serranê 90 gureta. Şerefê xo hondero.
Fehmi Koru hukumatê xorê jû peşnîyaz de vano ‘fênda Kurdan fênda Tamîlan kerê.’ Gonî rê honde têsanîya xo esta. Qesey kerdena xo na wa.
Ahmet Hakan kî endî amo ‘galeyan’ û nîya bîyo azayê Neoergenekonî. Tabî çond asmîyo hukumatê xo her cayê welatê ma bomba keno û însanunê ma kiseno, Ahmet Hakan merdunê ma nêvîneno. Nika amo ‘galyan’ yanê bîyo faşîst û nijadperest. Endî garana qetilkaran de beno jû erzeno buroyanê BDP ser.
Bi mordene nêqedînê xizmetkarê faşîzmî.
Lalawo, qesê sima çîne bî ke biqedîyo. Yê sima teyna jû armancê sima bî û esto: Sima selam danê û wazenê teslîm bijerê. Qesey kerdena sima na wa. Manê xo na wo.
Qetilkarê esker û gerîllayan hukumat û dewleta tirkî yê. Qetilkarê esker û gerîllayan rojnamevanê xizmetkarê na hukumatê gonwerî yê.
Nika sima ra hora Hayri Kozakçıoğlu kêm yo.
Her tim şîmşer destê sima de bî, qesê sima çîne bî ke biqedîyo.