ŞEHRÎBAN ASLAN / JINNEWS / AMED
28ê êlula 2009î de dewa Xiraba ya qezaya Licê ya Amedî de Qereqolê Tapantepe ra hewanêk erzîya û Ceylan Onkola ke heywananê xo çerênayêne ginaye. Netîceyê ginayîşê hewanî de Ceylana 12 serreyî merdbî. Meyîtê Onkole parçe bibi û herçiqas ke keyeyî muracatê qereqol û dozgerîye kerdbî zî ê 3 rojî ra dima ameybî cayê hedîseyî.
Netîceyê tehqîqato ke derheqê eleqederan de amebi akerdene de serra 2013î de qerarê bêtaqîbîye amebi dayene. Ewro serrgêra 9. ya doza Onkole ya, labelê doze de edalet çin o û dosya zî wedarîyaya refanê tozinan. Babete ser o dayîka Onkole Salîha Onkole qisey kerde. Dayîke hedîse ra dima nêweşîyanê giranan derbaz kena.
Dayîke vana ‘seba ke mi heme çî eşt zerrîya xo, loqleyanê mi de rîm virazîya’ û wina dewam kerde: “Seba ke doktoran bi hawayo şaş ez amelîyat kerda, rewşa mi bîye giran. Ez dima ra reyna amelîyat bîya. Ganî ez 6 aşmî erd ra nêwerzîya. Înan kênaya mi mi ra girewt, bes nêbi weşîya mi zî mi ra girewte. Werekna kênaya mi bibîyêne û ez reyna nêweş bîyêne. 9 serrî derbaz bîyî, labelê heta nika netîceyêk nêameyo girewtene. Ez reyna zî aştîye wazena. Wa sewbîna domanî nêmirî.”