Şaredarîya Sêrtî seba ke verê domanan bida sporî û înan teşwîqê sporî bikera Mektebê Hamnanî yê Sporî akerde. Mekteb ewro dest bi xebatan keno. 900 domanê ke ewrê înan mabenê 6-14 serrî de yî seba Mektebê Hamnanî yê Sporî qeydê xo viraştî. Domanî do mekteban de 7 beşan ra bêrî perwerdekerdene
Mekteb dest bi xebatan keno. Mekteb de do dersê asnawe, basketbol, futbol, jîmnastîk, bale, zûmba û folklorî bêrî dayene. Perwerde do heta 9ê êlule dewam bikero.
Endamê Meclîsê Şaredarîya Sêrtî Ugur Çakazî derheqê program û dersanê mektebî de malumatan da û dîyar kerd ke hedefê înan oyo ke demê hamnanî de domanan çîyanê xiraban ra durî bikerî û înan teşwîqê sporî bikerî. Çakazî da zanayene ke seba komelbîyayîşê domanan zêde bibo ê mektebêko winasî yê sporî akerdî û wextê qeydê domanan de ê tercihê domanan esas gênî.
SÊRT