Bêtehamuliya dewleta Tirk verra tarix û erciyayenanê Kurd ramena. Şaredariya DBP yê Xinis waşt rîwalê lîderê serhewedayina 1925’î Şêx Seîd û alwozê ci, ke Amed de 1925’î de amey îdamkerdin abîde virazo.
La, na waşten hetê qeymeqamtiyê qeza bi sedemê kêfî amê manî kerdin. Herzewbîn na hewildayen raştê cezayan amê. Netîceyê gerreyê qeymeqamtî û raporê mufetîşan derheqê hemşaredarê Xinis û torinê Şêx Seîd’î Hasan Basrî Firat’, Gulay Peker û gurekarê karê Fen Abdulhekîm Firat’î de cezayê 57 hezar 333 TL pere ame birnayen.
Heta 15 serran ceza
Sawcitiya komarê Xinis, derheq dê hemşaredar Peker û Firat’î de bi behaneyê ‘azabiyînê rêxistinê’ îdianame hadre kerd. Îdianameyo ke ame qebûl kerden de heta 15 serrî cezayê tepiştiş yeno waşten. Hemşaredar Basrî Firat veriya wextekê amebi tepişten û hona zerre de ro.
Hemşaredaran ra Gulay Peker dawa rê nêrazîbiyen damusna û ard ziwan ke zey vizêr, ma dê ewro zî wayrê erciyayenanê şarî bivejyê. Peker vistvîrî ke, hemşaredaro bîn Hasan Basrî Firat, hewna giroteyo û va, AKP serva ke siyasetmedaranê Kurd bierzo zerre, her çî kena.
Dadgerîn goreyê AKP hereket kena
Peker vistvîrî ke, Şêx Seîd, erciyayê şarê Kurd o. Serva na şarî ca û muhîmiya Şêx Seîd esta. Cayo ke dewlet ebi kayanê xo yê qilêrîn ra, rî bi rî bîro û mezeleyan akero, nê abîdeyan ra zî bêtehamul nezdî bena. Ebi no şarî ra, do çitûr-senî haştî viraziyo. No şar erciyayenê xo nêerzena jew koşe. Zey vizêr do wayrê erciyayenanê xo bivejyo. Kes nêşkeno no îradeyî bişikîno.
DÎHA/ERZÊRÛM