Nê 44 rojeke di Kobanê hêzê YPG/YPJ verba çeteyê DAIŞê têkoşîneke gird danî. Na têkoşîna hêzê YPG/YPJê ser zî di di dinyayê de 1 Teşrîne roja Kobanê ame îlankerdiş. Prof. Dr. Chrîstîna Zeller, Yrd. Prof. Dr. Darîo N. Azzelînî, Prof. Dr. Antonîa Davîdovîc, Prof. Dr. Wolfgang Trîebel, Dr. Thomas Seîbert û pêşkêşwan Robert Leyîn zî seba Kobanê reyde paştîdayişê heme dinyaye ra di 1 Teşrîne de kûçe û papolan ra vejîyayişê ser veng day.
Bi vengê Komîsyonê Sivîl a Tirkîyayê ya Yewîtîya Ewropayê (EUTTC) ser do pêroyina dinyayê 1 Teşrîne de bi dirûşmeya ‘Kobanê û merdimatî rê, verba DAIŞ dinya meşîyena’  Kobanê ra paştîdayişê çalakîyan bêrê darvistiş. Nê çalakîyan ra welatê Almanya û Avustralyaye ra zî di zaf hûmarîy de akademîsyenê hetkarî danê.

ROJAWAN BÊ ALTERNATÎF O
Muhîmî ya meşa Globalîzmê ser Prof. Dr. Chrîstîan Zeller vat ke nika şarê Rojawan, di Rojawane de yew pergal înşa kerdî û no ser zî ey şarê Kobanê ra hetkarî dano û wina vat: “Têkoşîna Kobanê di Rojhîlatê Mîyanê de heme şaran hêz dana û no ser zî na pergal zaf muhîm a û ganî bêro pawiyayişê.”
Hewna Prof. Dr. Wolfrang Trîebel zî dîyar kerd ke pêameyişê Sykes-Pîcot çarenuştişê kurdan ra zaf tesîr kerd, nika kurdan wazenê çarenuştişê xo dîyar bikerê û ey zî no waştişê kurdan ra hetkarî dano û wina vat: “Ez kurdan vana ke sewbî hêzê ra bawer nêkerê û bi hêzê têkoşîna xo ra dewam bikerê. Ez verba çeteyê DAIŞê, hêzê Kobanê ra hetkarî dana.”
Dr. Thomas Seîbert zî ciresna ke nê 10 serroke hêzê welatê rojawan di mîyanê lîberalîzm û fundamentalîzmî de şarê dinya donê tercîhkerdiş la belê Şorişa Rojawan di heme dinyayê ra berê hîrêyin akerd. Seîbert vat ke Rojawan mojna ke êdî demokrasî tekelê welatê rojawan nîyo, tam çewtê sînorê demokrasî çinyo mojnayê. 

BICIWÎ KURDISTAN
Prof. Dr. Darîo N. Azzelînî zî aşkera kerd ke nika kurdan verba çeteyê DAIŞî têkoşîneke dîrokî danê û bi na têkoşîna xo zî xobixo îspat kerdî, kurdan êdî bi pergala xo, xobixo îdare kenî û no ser zî ganîyoke her kes na têkoşîna kurdan ra hetkarî bido û ey vano ke Biciwî Kurdistan.
Prof. Dr. Antonî Davîdovîc bal ont ser di Afrîkaya Vaşûr û Rojhîlatê Mîyanê de têkoşîna tevgeran û wina dewam kerd: “Nê tevgerê demokratîkbîyîşê şaran rê çik nêkerdî la pergala Rojawan ona nîyo. Rojawanijan di kantonan xo de awanîyê demokratîk di zereyê zehmetî de înşa kerdî. Hêzê YPG/YPJ destûr nêdayê ke çeteyê DAIŞ şarê Şengale qir bikerê. Na pergala bê emsalî ra lazimo ke her kes hetkarî bido la belê Tirkîya wazena menfaetê xo ser Rojawan qurban bikero. Tirkîya ser Rojawan hema zî ambargo şuxulnena. Ez meşa Globalîzmê ra hetkarîyeke gird dana.”

KURDAN RA DEYNDARÊ

Pêşkêşwan Robert Levîn dest nîşan kerd ke hetanê di emrê xo de tewr weş xebere ey, şîyê hêzê YPG/YPJ seba hetkarîya şarê êzidî Şengale bîyo û wina peynî kerd: “Eke şarê êzidî hetkarîya hêzê Mîyanêneweteweyê bipawitê do hetanê nika heme bi destê çeteyê DAIŞ ameybi qirkerdiş. No ser zî ganî hêzê welatê rojawan do xoverodayişê Kobanê ra hetkarî bidê, hêzê Kobanê verba çeteyê DAIŞê têkoşîneke dîroke bieşke bidê. Ez zî bi bawerî meşa Globalîzmî ra hetkarî dana.”


DEVRÎŞ ÇÎMEN/ FRANKFURT