No kişla serra 1938’ê ra serra 1950’ê lejkeran ra kişlatî kerd. Peynî zî no kişla hetê karmend û feqîran zey lojmanî ame şuxulnayiş.
Tena feqîr manenî
Peynîya serrê 90’an zî di kişlayê de tena malbatê feqîr destpê cuyayişê kerdî û nika di kişlayî de 80 malbatê cuyenî, serra 2012’ê de zî rîyê veşyayişê kişlayî ra zî di zaf hûmarîy de malbatê feqîr nêçare koç kerdî.
23 teşrîne serekwezîr Ahmet Davutoglu Dêrsime zîyaret kerdbi û peynî zî heqê no kişlayê Davutoglu vat bike do no kişlayê lejkerî bibo Muzeya Dêrsime.
Peynîya no aşkerayê Davutolguyî, Wezaretê Turîzm û Kulture ra gireda Mûdirîya Abîde û Roloveyê Amede zî aşkera da ke ê seba tanzîmî teşhîr û viraştişê dorûverî ser no kişlayê 12 çele 2015’ê de îxale bivirazî. Mûdirîya Abîde û Roloveyê Amede malbatan ra 15 roje da, no demî ra malbatan bertek mojnay û bi rayverîya Yusuf Dumanî aşkera day.
Duman destnîşan kerd ke ê nêeşkenî di nê aşmê zimistanî banan xo ra bivejî. Duman destnîşan kerd ke malbatake di kişlayê de manenî qet rewşa înan weş nîyo û wina vat: “Ma nika di mîyanê aşma zimistanî de yê û ma ra wazîyeno ma banan xo ra bivejî. Ma nêeşkenî no serdî de banan xo ra bivejî. Ma hadreyeya zimistanî kerdî û no ser ganî ma ra xeber biameynê dayiş.”
DÎHA/ DÊRSIM