Na lîseye bi hembarî ‘Weqfa Kultur û Perwerdeyî ra Hetkarîyê Dostelî’ û Wezaretê Perwerdeyê ya Neteweye pîya virazenêy û di mufredatî na lîseye de dersê ‘dersê hembar, bawerîya elewî-bektaş, Quranê Kerîm, kultur û şaristanî ya îslamîyetê, ravêreyeya dîroka elewî-bektaşî, tasavuf û mutasavifê gird, perwerdeyê tembûr û erkanê vateya semahî’ do bêrêdayiş. Keseke na lîseyê peynî bikero eşkeno hem wezîfeyê pîrtî, he zî eşkeno zanîngehe ra dewam bikero.
Elewîyê AKPê resnena
Rayverê Komeleya Elewîyê Demokratîk a Îzmîre Ersîn Ozgul vat ke AKP wazena elewîtîyê zerrî ra fetîh bikero, AKP wazena bi no rayîrê elewîyê xo biresno û wina vat: “Çi heyfo ke na dewlete ocaxê elewîyê Dêrsime heme vila kerd û nê ocaxan seba elewîyan cayêkê taybet û cewherî bîyê. Bi destê dewleta Osmanîjan ê dergahê bektaşîyan amey giredayiş û waştê elewîyan murît bikerî.”
Armanc helênayişo
Mijarî ser de Ozgul Bal ant ser muhîmeya ocaxê elewîyan û wina vat: “Na dewlete zereyê ocaxê elewî vila kerd û nika zî alternatîfê ocaxan krîterê xo lêmin seba resnayişê elewîyê xo dest pê xebatan kerd o û çarçiweya no plana xo zî dibistanan akeno. Armancê no bernameyê Paşayê Xiziran resnayiş o. AKP cayê îbadetxaneya elewîyan cemxaneyê zey cumbuşxane name kena. Armanc bi nê projeyan muxalefetîya elewîyan nermkerdiş o û AKP wazena elewîtîyê di mîyanê sunnîtîyê de bihelîno.”
ANF/ÎZMÎR