AKP Filîstînî seba xo şuxilnaya

Fehîm Taştekîn rojdemê Tirkîya yê peynî û mîyanê desthelatdarîya AKP/Qesre û Israîlî pêameyîşî ser o qise kerd û qiseyê xo de zî vatişê balkêş ard ziwan. Rojnameger  Taştekîn da zanayîş ke AKP doza Filîstînî her tim seba menfaetê xo şuxilnena û rewşa estî zî zey netîceyêko sîyasetê îstîsmarî yo û wina vat: “Demê desthelatdarîya AKP de têkilîya bazirganîya mîyanê Tirkîya û Israîlî de zaf bî. Tirkîya endamîya Israîlî ya mîyanê OECD de heqê xo yê vetokerdişî nêşuxilna û no zî bî semed ke Israîl NATO de temsîlkarî biakera. Desthelatdarîya ke têkilîya teberî de xo tecrîd kerd, AKP fikrîya ke bi Israîl pêameyîş reyde ser xo ra tedayî ke estî sivik bikera. No ser zî şertê bi zerrîya Israîlî ke û menfaetê Israîlî yenî, mîyanê rewşa ke asayî de zî bi hêsanî nînî qebulkerdiş, bedelê lêborîn û tazmînatî de qebul kerdî. Guya Israîl Tirkîya ra bedel bidaynî labelê Tirkîya bi xo bedel da.”

Tîyatroyê One Minute 

Taştekîn ‘gam’ a Tayyîp Erdoganî ya Davos de bi vatişê ‘One Minute’ eşt nirxna û ciresna ke na yew bî semed ke Erdogan mîyanê welatê Îslamî de xo xurt bibo û wina dewam kerd: “Welatê Îslamî û Rojhelatê Mîyanênî de seba bedilyayîş û tadayîşê lazimî bi rayberêko xurt estbî. Erdogan bi na yewe, rewşêka guncaw seba xo xelq kerd. 

No pozîsyonê Erdoganî bi menfaetî DYA û Ewropa zî ame û hatenî ke verba Israîlî nêbo gefêka ewlakarî, no nêzdîbîyayîşê Erdoganî yê dijverî Israîlî hetê taktîk û stratejîk nêame dîyîş. Nê gefê Erdoganî bi menfaetî azadîya filîstînijan ya zî peynîkerdişê dej û azaf 40-50 serran nêameya, têmîyankerdişê meseleya Filîstînî bedilna birînêkî akerde û Sûrîye ke dijmenî tewr gird o Israîlî yo ame qelskerdiş.”Taştekîn bal ant tay vengûvajê rojnameyê nêzdî yê desthelatdarî de ameyî weşankerdiş û îzeh kerd ke nê vengûvajan ra yew de ameynî vatiş ke seba averberdişê Rojhelatê Mîyanênî tifaqêka newe hetê Israîl, Tirkîya, Erebîstano Siûdî û Qaterî ameyo awankerdiş. Taştekîn tewr peynî îzeh kerd ke pêameyîşê mîyanê desthelatdarîya AKP/Qesre û Israîlî nîşan da ke hukimatê AKP doza Filîstînî seba menfaetê xo şuxilnaya û peynîya no pêameyîşî zî do şarê Filîstînî dejêko gird bianco.