Wekîlê koma HDP Îdrîs Balûken’î derheqê ‘qedexe’ yê vetişê kuçe yê dewlet, sereştişanê dewlet û tecrîdê verra Ocalan’î de, ajansa DÎHA rê qisey kerd. Balûken’î va, xendekê ke dewlet zey sebebê êrişan damûsnena, bi meqsedê êriş nê, bi meqsedê xopawitiş amey kiniten.
Balûken’î aşkere kerd ke, AKP verra şarê Kurd îmhayê kiltûrî yê şarê Kurd kena hedef. Balûken’î herzewbîn tecrîdê verra Rayverê Şarê Kurd Abdullah Ocalan’î rê nêrazîbiyen damûsna.
Verra xorayverînan herb
Qezaya Amed Sûr de, bi ‘qedexe’ yê vetişê kuçe ra piya, bi rojano sereştişê qûwetanê dewlet, yê verra şarî ramenê. Herzewbîn xeylê cayê tarixî amey veşnayen û rijnayen. Wekîlê koma HDP Îdrîs Balûken’î ard ziwan ke, pêrokîn Kurdistan de, AKP verra waştenanê ‘îdareyê cewherî’ dewlet destpa sereştişan kerd. Meseleyê ke bi raya muzakere êşkenê bîrê çarekerdin, bi konseptê herb ke hetê AKP vistiniya dewre, kaşê bêçarekerdin bî.
Îdrîs Balûken’î hayr ant terora dewlet ya verra Sûr ser û vist vîrî ke, AKP wazena şarê Sûr bitersno. Balûken’î va: AKP şexsê Sûr de wazena erciyayenanê şarê Kurd yê hetê fizîkî, tarixî, kiltûrî û ekolojîk, pêrokînan îmha bikero. Balûken’î ard ziwan ke, AKP ‘qedexe‘yanê vetişê kuçe wazena bi sîstematîk dewam bikero û wina-niya dewam kerd: Wextê derbeya 12ê Îlonî de zî ‘qedexe’ yê vetişê kuçe nêame ferzkerdin. AKP heta fermanê diyîn destûrê ‘qedexe’ yê vetişê kuçe dana. No jew tirkiye de, raştiya merhaleyê sereştişan damûsneno.
Cami ya Kûrşûnlû kê veşna
Balûken’î va, verra na faşîzma AKP, şarê Sûr, Nisêbîn, Cizîr, Farqîn, Sîlopî tenya serva şarê Kurd nê, serva pêrokîn şaranê tirkiye xoverdanê. Balûken’î hayr ant rijnayişê cayanê tarixî û mûqades ser û wina va: “AKP erzena cayanê bimbarek yê Şarê Kurd ser. Camiya Kûrşûnlû veşnena. No çiyê do neweyîn niyo. Veriya coy zî AKP Kurdistan de ‘şehîtgehê gerîlayan’, mezelxaneyan, camî û keyeyê cem rijna. Balûken’î da zonayen ke, bi nê êrişan AKP mesajê “mi verra erciyayenanê şima herb da destcikerdin” dana. Balûken’î aşkere kerd ke, bombevornayişê Camiya Kûrşûnlû polîtîkayê da bi zanabiyena û wina va: Sûrê Amed, Hemamê Paşa, Mînareyê Dort Ayakli mîrasê merdimî yê. Sembolê ke ser qewanê ke ewja de vejiyayî aşkere yê. Muhîmatê ke ewja de vejiyay aşkere yo ke, yê kamî yê. Şarê Sûr kesê ke camî veşnay aşkere vanê.
Parlamenter Îdrîs Balûken’î hayr ant kinitenê xendekan ser û aşkere kerd ke, veriya sereştişan xendekî zî çinîbî. Balûken’î aşkere kerd ke, xendekî verra sereştişan bi meqsedê xopawiten amey kiniten û wina va: AKP pêrokîn rayanê çarekerdin gêna, verra şarî qetlîaman ramena. Nayî ra şar zî rayanê xopawiten geyreno. Xendekî sebep niyê, netîceyê. Eke herbê AKP nêbiya, xendekî zî, dê nebiyayî bî.
Derheqê Ocalan’î kayê leyminî
Parlamenter Balûken’î herzewbîn hayr ant tecrîdê giran yê verra Rayverê Şarê Kurd Abdullah Ocalan’î ser, û aşkere kerd ke, AKP tecrîdî zey leteyê konseptê herbî ramnena. Balûken’î aşkere kerd ke, AKP hewl dana ke, tecrîd normalîze bikero û wina va: “AKP wazena refleks û hêrsê şarî felç bikero. Wazena fikrê ‘pêdiyayinî viraziyenê’ vila bikero, la wa herkes bizano, çiyê do winayîn çinyo.
Balûken’î hayr ant zûriyanê Barzanî û Ocalan’î pêdiyayin viraştî ser û aşkere kerd ke, wazenê damûsnê ke, şert û mercê Ocalan’î rindê, normalê. Balûken’î va, Malbat, heyet û pawitoxî nêşkenê şirê pêdiyayin. La rexmê nayî, se ke, teba çîno, her çî normal o nezdî benê.
Balûken’î aşkere kerd ke, wazenê bi konseptê tecrîdî nêrazîbiyenê şarî pûç bikerê. Ser babeda ke serva şarê Kurd zaf muhîma, wazenê kayan bikerê. La herkes zano ke şarê Kurd nîno nê kayan.
DÎHA/AMED