AKP no merhale weçînî de ha gunî vînî kena. Anketan de vengî (rey) AKP nîsbeten serra 5 reyde 7, binî weçînî 2011 de esena. Kî weçînî 2011 de nîsbeta vengî AKP serra 48,83 bî, ewro dormale serra 42 reyde 44 de ya. Ewro şar destekî xo apey anceno. Şar vano, mi serra 50 destekî xo qabî muzakere, qabî pêvajo, qabî edalet û demokrasî da to. Mi no destêk qabî menfeatî ti, qabî teqtikî nêda to. Şar no hesabî ser şono sandik. AKP qurf bîya. HDP guragur yena.
AKP qurf bîya. HDP bi feraseta demokratîk yena. No demokratîk feraset de AKP hetkara tahayulanê demokratîk nê, xo sey yew şîrket vînena. Şaro kurd no weçînî de goreyê nê vatenan hereket keno miheqek. Şar, no weçînî de êdî reyna firset nêdano zîhnîyeta şîrket. Şarî Tirkîya waşt meseleyê kurd çareser bo. AKP vat: “Birano çi persgireka kurd ya! Êdî înaneyî yew çî çîno. Çîyê to, kêmî ma yo?” Şar wazeno no zîhnîyeto neteweyî mehkum bikêro. Ayera no weçîn bîyo roja hesabî şaran û ê AKP. Şarî kurd zî axirî wext de, na rastîya AKP nîhayet dî. No weçînî de şar AKP ra xatir wazeno. Reye xo dano HDP.
Ayera AKP qurf bîya. Nêy rojanê erîşkerîya AKP’yan zî no qurfbîyayişî ra yo. Êdî vînenî palasî şadî û bextyarî binî yînî ra kaş bîyo. Êdî vînenê penîya dewro seadetî yîn ameyo. AKPeyijîy vînenê şar pe leyminîya înan hesayo. AKPeyijîy êdî rastîya xo vînenê mîyanên de şarê de bêîtîbar bîyê, tercîh nêbenî. AKPeyijîy êdî vînenê, şar zalîman û rîyakaran ra berî xo giroto, êdî nêgeno zere.
Şar partîya ceberût, partîya AKP êdî tercîh nêkeno. Şar êdî na rastîya AKP vîneno. No merhaleyê weçînî de AKP xo zere de zî têmîyan bîya. No gird yew delîl o. Şar êdî vîneno zere partî de aksîyon est o. Merg est o. Hers est o. Şar no merhale de bi şahît Kurdistan de yew namzetê Çewlîk ê AKP xo kişt. Yew namzetî Amed û Elîh îstîfa kerd. Şar partîya îna bi aksîyon nêwazeno, reya xo dano xo. Şar reya xo nêdano partîya rant, reya xo dano partîya xo HDP.
Heto bîn ra şarê Tirkîya vîneno ke partîya deshelatdar AKP têmîyan bîya, yewbînan bi dizdî û bê wefa îtham kena. Parsel-parsel parekerdiş ra behs kena. Şima çi waşt ma nêda şima vanî. Pêrkîn na leymînî û gemarî malesef reyna AKP no weçînî de bê alternatîf a. Alternatîf HDP ya. HDP partîyeka neweya la kokî ey xorî ya. Partîya şaran a, destêkî xo şaran ra gena. HDP partîyeke felsefîk a. Yew proje ya, vîzyonê ey Ocalan o. HDPî ra guregur yena. AKPeyijîy qurf bîyê.
AKP roj bi roj verbi xirabî şina. Êdî nêşkenî weçîn tehîr zî bikerî. Êdî nêşkenê no îvmeyê verbi cêr, biçarnî verbi cor. Têk yew çareyê AKP’yan mend o. Erîş kena. Ayera yo, nêy rojanê AKP bi şîdet herîşî HDP kena. Serekomar zaf bi hers, fekê xo akena. Gule fek ra peren o. Bê HDP yew çekû ranêverêna. Çimkî AKPeyijîy qurf bîyê, şar êdî reya xo nêdano rant, rîyakaran û zûrkeran.
Mistefa ŞAHÎN